paroles de chanson Kai Ti Karte Khuna - Sandeep Khare

काय ती करते खुणा
अन् काय माझ्या कल्पना
काय बोले सत्य
आणि काय माझ्या वल्गना || धृ. ||

एकदा ती हासली
अन् जन्म झाला सार्थ हा
क्षणभरावर नोंद केवळ
युगभरावर वंचना || १ ||

एवढेही तू नको
घेऊ मनावर शब्द हे
जा तुला म्हटलो खरा मी
पण जराशी थांब ना || २ ||

त्या तुझ्या वाटेवरी
मज ठेच जेव्हा लागली
गात उठले घाव ते
अन् नाचल्या त्या वेदना || ३ ||

क्रूर हे रस्ते तुझे
पण मीही इतका निश्चयी
टोचत्या काट्यास माझे
पाय देती सांत्वना || ४ ||

गाव माझे सोडताना
एवढे तू ऐक ना
नाव माझे टाकताना
तू उसासा टाक ना || ५ ||

ऐलदेशी शुष्करानी
पंख मिटला मोर मी
पैलदेशातून थोडे
पावसाळे धाड ना || ६ ||.