paroles de chanson Tarantella luciana - Sergio Bruni

Ma chest' evera 'e mare
comm'addora stasera!
Tutto munno mme pare
cchiu' schietto
e cchiu' allero,
nun saccio 'o ppecche'...
Viene 'a cca', Luciana...
Tu, che ancora 'a spadella,
puorte dinte capille,
si' 'a femmena bella
ca i' voglio vede'...
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!
Aggio fatto nu pigno,
ma cu gusto e piacere:
si stasera mme 'ngigno,
mm'aspetta ll'onore
ch'abballe cu me...
Mm'appresento cu'o tubbo,
cu 'o cazone a campana,
cu 'o rilorgio e 'a catena
ma tu, Luciana,
mm'hi 'a fa' cumpari'...
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!
Nun sentite 'a campana?!...
Ne!...Menatela 'a rezza!
E, pa gente luntana,
ca voca e sollazza,
vulite prija'?!...
Ma chi e' chisto ch'abballa:
"Tarante'...Tarantella?"
Ride, Napule bella,
ca e' Pulecenella
ca torna, e sta cca'!
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!