paroles de chanson Nalînek Tê Guhê Min - Sivan Perwer

Dengek hat guhê min ji binê zinaran
Nalîna şêrekî ku birîndar bû
Bi ser birîna xwe da kûr dinalîya
Birîna wî ji dil jî gelek xedar bû

Dilop dilop xwîn ji birînê dihat xwar
Axa sar û tarî hêdî vedixwar
Teyr û tû bi ser da dikirin hawar
Dar û ber jana dil histuxwar mabûn

Kela dilê wî bû weke volkana
Rêza çiya û bera ji ber dihejîya
Weke talaz rabe li ser havîya
Weke bahoz û tofanek radibû
Birîna şêrê me hewqas xedar bû
Ew şêrên kurdistan'ê ne bê xwedî ne
Gelê cîhan doza wan bi rast dibîne
Doza wan jî parekî doza xwe dibîne
Ew karker, cotkar, rêncber, pale û gundî nin
Mafê çînî û çarenûsî divên pêk bînin
Divên rizgar bikin gel ji bin lep û destan
Lew nalîna şêrê me tê ji çiya û baniyan
Herkes xelas jîndar û nas li ser kurdistan
Da ku êdî kes nenale ji êş û birînan
Gelê kurdistan
Karkerno, gundîno, dayikno, bavno
Bukno, keçno, xortno
Gelekin ji şîr dimijin, hemu mirov
Welatê me di nava xwînê de yê
Mirovên me li îşkencexanande
Li ber darê kindirê tên xenikandin
Ewrên reş roj bi roj tarîtir di be
Cem û şad xumxumê nakin
Dengê çuk, şalil û bilbila na yê
Dengên kewanê şêrîn û delal wenda bu yê
Qerîna şîrmijan bi feryadî
Di nava xeliyê û dumanê da ye
Gul û kulilk, nêrgiz, rêhan û binevş
Behn u rengê xwe wenda kirin ê
Ev çi rewşe, ev çi dibe
Ezmanê welatê min xwe reş giredanê, ji bo çi?