paroles de chanson Wunderschöne Herbscht (feat. Bernard) - Steve Kali

Üse Ort verwandlet sech drastisch
Vo de Trope fasch zur Antarktis
Täg wärde chürzer, mir stärbe scho baud
Wöu dr Tod, dä wartet, bis's Nacht isch
Und är macht üs chaut
U wirsch chaut, ja, de machsch nüm fautsch
Aber aus, wo du gsehsch, wird baud
Si Glanz verliere u di Tag wird grau - (grau)
Doch di Farbe vom Herbscht mache d'Wäut zu Goud
Hey Hey Hey
U we ds Ganze nüm gsehsch, de bisch säuber tschoud
Hey Hey Hey
Nüt wird schöner mit dr Zit
Doch üse Puls schlaht, drum ghöre mir ä Beat
Was uf üs wartet, isch Chäuti
Doch mir haute's us, trotz Löcher i de Jeans - (Jeans)

Und aues chunt, wi's isch - Mir mache vieli Fähler
Doch we aues um üs stirbt, erwache mir zum Läbe
Stöh alleini da, doch hei schöni Chleider ah
Denn es wird chaut, doch isch egau
S'wird ä wunderschöne

Jedoch fragsch di wieder einisch, wär di wird rette
Z'Land im Chopf wird zur Wüeschti
U we's irgendeinisch rägnet, si's Blätter
Drum fragsch di Gott, öb ds müesst si
Aber aus wird guet
We du weisch, wo du steisch, wöu di Chance ergäbe sech
U di Blätter am Bode
Di si weich, we du gheisch, ja de landisch uf Fädere
Denn isch aus mau z'Änd, de beginnt's o nöi
Hey Hey Hey
U we genau so dänksch, de bisch sicher z'zwöit
Hey Hey Hey
Denn o äs angers Härz wird di Rhythmus ha
Und ds ghörsch scho jetz
Drum spili dir o grad dä Song
S'wird ä wunderschöne

Und aues chunt, wi's isch - Mir mache vieli Fähler
Doch we aues um üs stirbt, erwache mir zum Läbe
Stöh alleini da, doch hei schöni Chleider ah
Denn es wird chaut, doch isch egau
S'wird ä wunderschöne

Me redet nid bim letschte Wort - (letschte Wort)
Denn wär ender stirbt, isch länger tot
We nüt meh da isch, hei mir z'beschte, wo no chunnt
Denn we me ganz unger isch aacho, het ds o ä Grund
Drum bini am Bode blibe
U ds sötsch du genau so, di Wörter si au so hert
Doch ä Tipp, lis zwüsche de Zile
De versteisch, wasi mein u ghörsch aus vom Text
S'wird aus perfekt
Und irgendöpis wird sech de ergäh mit dr Zit
We de Winter de chunnt, wird's stiu
Schnee macht toub u de Lärm isch verbii

Und aues chunt, wi's isch - Mir mache vieli Fähler
Doch we aues um üs stirbt, erwache mir zum Läbe
Stöh alleini da, doch hei schöni Chleider ah
Denn es wird chaut, doch isch egau
S'wird ä wunderschöne