paroles de chanson Haytna - From Bhabak Movie - Tamer Hosny

في حب يعجزك بدري وحب ويموتك جواك
وإيد تتمد تمسكها، تغمي عنيك تقوم خناقك
في وش يبان ملاك طيب، في ضهرك يتقلب إبيلس
في حد بتشتريه غالي وهو قصاد مرايته رخيص
وهو قصاد مرايته رخيص

حياتنا عبارة عن أشخاص ما بين غالين وحبة رخاص
في ناس بتزود الواحد وناس عايشة بتاخد وخلاص
ما بين الصح والمفروض بنتعود على المرفوض
في كام واحد في تعبك غاب، وكام واحد فضل موجود؟

في حلم بيختفي ويمشي، ووقت بيتسرق ببلاش
في واحد عاش وما فهمش، وواحد عمره لحظة ما عاش
بنجري في دايرة مقفولة وأهي قلوبنا اِتهرت تعليم
ومين ضامن يعيش توهه ويخرج منها قلبه سليم؟

حياتنا عبارة عن أشخاص ما بين غالين وحبة رخاص
في ناس بتزود الواحد وناس عايشة بتاخد وخلاص
ما بين الصح والمفروض بنتعود على المرفوض
في كام واحد في تعبك غاب، وكام واحد فضل موجود؟

في حب يعجزك بدري وحب ويموتك جواك
(وإيد تتمد تمسكها) تغمي عنيك تقوم خناقك
في وش يبان ملاك طيب، في ضهرك يتقلب إبيلس
في حد بتشتريه غالي وهو قصاد مرايته رخيص
وهو قصاد مرايته رخيص

حياتنا عبارة عن أشخاص ما بين غالين وحبة رخاص
في ناس بتزود الواحد وناس عايشة بتاخد وخلاص
ما بين الصح والمفروض بنتعود على المرفوض
في كام واحد في تعبك غاب، وكام واحد فضل موجود؟