paroles de chanson S'Istrada 'E Sa Luna - Tazenda

In s'istrada 'e sa luna
Bi fiat una cria
Ocros 'e castanzas
In s'istrada 'e sa luna
Unu raju luchiat
In sinnu de isperantzia
In sinnu de fortuna
E che frore de iberru
Ermosa sa luche
Chi juchiat sa pache
In chelos de ferru

In sa gherra 'e sas gherras
Bi fia' unu pitzinnu
Sos pilos nigheddos
In sa gherra 'e sas gherras
Cantaiat un'innu
A sos malefadados
A sas noas terras
E che bentu, che frore
Fiat bellu su risu
Fiat mannu su sole
Chi juchiat in coro
Bi fiat unu pitzinnu
Sos pilos nigheddos
Ocros ispantados
E in bucca unu cantu

In coro 'e sos soldatos
Bi fia' una cantone
L'aiat posta Deus
In coro 'e sos soldatos
Non b'aiat rejone
A imbentare s'anneu
Frutt' 'e dolores mudos
E che frina de mare
Galana sa die
Galana ses tue
Columba 'e abrile
In coro 'e sos soldatos
Galana sa die
Galana ses tue
Columba 'e beranu

Bi fiant duos pitzinnos
Intr' 'e custu sonniu
Intr' 'e custu contu
Fiant bellos che annijos
In s'istrada 'e Fortuna
Isperas juchiat
A sa luna