paroles de chanson Aubonne - Tinu Heiniger

"C'est vraiement magnifique là-haut
Mais oui!" Det müess i zersch mau härä
Het mier där Commerce-Beizer gseit
Das müess i unbedingt mau gseh

U bim nä Haubä Féschy hani mier
Där Wäg derthärä la erklärä
Itz stahn i hie im Vallon d'Aubonne
Det ds Musée du Bois u hie dr See

U i tue d Ougä zue, d Nase uf
Schmöcke le vent vom Léman här
U ghört i nid vo Bière här ds Militär
I wüsst nid, won i wär!

J'entends les cloches de l église
U gseh det vor ds Château d'Aubonne
Itz chunnt ä VW-Bus: d Waadtländer Polizei
"Vos papiers! Ah, vous êtes Suisse"
Är grinset u git mer mi Uswis
I rümpfe d Nase won är seit:
"On est du même pays"

U itzä louf i dür das Labyrinth
Vo denä änge, länge Gasse
Nähr blibi i mau chly stah
U haute där Atem a

Nähr häb i d Ohrä zue
U ohni Lärm vo Outo us dä Strassä
Spür i wi hie i denä Muurä
D Zyt isch blibä stah

U i ha ke Zyt, muess zrugg i d Beiz
Wo dr Chäuner nüt versteiht
Seit itz di wälschi Madame wo so schmöckt
Uf Bärndütsch wenn där nächscht Bus geit

Dr Chällner sig drum Espagnol
Dr Chef Franzos, dä choch so toll
Le Maire est Suisse Allemand"
U si läb hie alley

Si schaffi z Lausanne uf rä Bank
Ir Letschti sig si hüfig chrank
Heig längi Zyti - u am liebschtä chäm
Sie mit mier hei!