paroles de chanson Ds Tau zdüruus - Tinu Heiniger

We my Fründ mi chunnt cho bsueche
Göh mir zäme ds Tau zdüruus

Uf em Hoger steit e Bueche
Ungerdraa es Burehuus

U mir blybe stah
U lö d Zyt vergah

Uf däm Hoger bi der Bueche
Ob däm aute Burehuus

Mier luege d Bletter, wo sich färbe
Luege ds Tau, wo vor üs ligt

Du, däichsch mängisch o a ds Stärbe?
Fragen i my Fründ, är schwygt, är schwygt

Är seit nid nei, nid ja
Är lachet, luegt mi aa

Hei, däichsch mängisch o a ds Stärbe?
Sägen i nomau, är schwygt

U mir rede lang vom Läbe
Was mir sy, was mir hei gha

Was isch guet gsy, was dernäbe
Wie u was me sött la gah

Mir zwee, du un i
Wär weis, gly mau gsy

U mir läbe üses Läbe
Jede läbt, solang er ma

U mir läbe üses Läbe
Jede läbt, solang er ma