paroles de chanson Herbscht - Tinu Heiniger

So wie der Güggu zum Huehn
U ds Wasser zum Brot
Ghört zum Abträte ds Ruhn
U zum Läbe der Tod

Wie zum Dampfschiff der See
U zum Flugzüg der Gstank
Ghört Gwalt zur Armee
U ds Sturmgwehr i Schrank

U di Chopf ligt sit Stunde
Näb mir uf mim Arm
U mir läcken is d Wunde
U gäben is warm

U d Luft ghört de Banke
D Härz sy nid us Stei
Voll Angscht sy d Gedanke
Drum sy si nid frei

Zum Glück ghört der Kuno
Zu Nomade ghört ds Zält
U d Schwyz ghört i d UNO
U de Amis ghört d Wält

U di Chopf ligt sit Stunde
Näb mir uf mim Arm
U mir läcken is d Wunde
U gäben is warm

Uf Halbmascht sy d Fahne
Was ufgeit isch d Saat
Kabul de Afghane
Palästina e Staat

O herts Brot chaisch ässe
Aber kes Brot säit Gwalt
Verstah heisst nid vergässe
U der Winter wird chalt

U di Chopf ligt sit Stunde
Näb mir uf mim Arm
U mir läcken is d Wunde
U gäben is warm

U di Chopf ligt sit Stunde
Näb mir uf mim Arm
U mir läcken is d Wunde
U gäben is warm