paroles de chanson Ungerwägs - Tinu Heiniger

Mit Affe, Vögu, Elephante
Herre, Chnächte u Vagante
Gouner, Würscht u mit Versäger
Teppichroller, Sänfteträger

Bläser, Trummler, Zupfer, Penner
Pfyffene u Alleskönner
Kassefrölein, Pouseglöön
Mit Sack u Pack u liechte Tön

Mit chlyne Fisch uf höche Ross
Ziehsch vorewäg u stolz u gross
Chly abeghundet, müed u bleich
U d'Ouge rot u d'Chnöi chly weich

Vo Stadt zu Stadt, vo Platz zu Platz
Vo Bett zu Bett, vo Schatz zu Schatz
Vo Glas zu Glas, vo Mass zu Mass
Vo Gras zu Gras, vo Frass zu Frass
Vo Schpäck zu Louch, vo Schall zu Rouch
Ziehsch mit dim Zält u d'Säck voll Gäld
Dür d'Wält

U wo di bsueche, seisch, verschteisch
Weisch öppis fählt mir i dere Wält
I has mau gha, s'isch nümme da
I finges nümm u i dirä Stimm

U us dim Härz, u s'isch ou mis
Tönt jetze lis dini Mueter
Ihri Angscht u ihri Fröid
U ihre Schmärz

Mueter
Mueter
Mueter
Mueter, wo bisch?

Mueter, wo bisch?

Zersch dänk i: "Ou, verreckt
Wie das noch WG schmöckt"
Wüll zersch chunnt dis Gras
När du über d'Strass

Chli z'grossi Hose, chli New York lose
Chli offeni Schue, chli bedient u chli zue
Chli d'Chappe über d'Ohre u z'fride, wie ne Moore
Mit em Ofe ir Hand dür ds Heimatland

Chli gross u chli Hans u chli Moos ume Schwanz
Chli röhrende Hirsch, Landjäger uf Pirsch
Chli wädle wie ne Hund, chli verletzt u chli wund
U de glich no chli Bueb usem Stall, usem Trueb

Mit de Girls ischs e Fruscht u im Sack isch e Pfuscht
Chli Jammer u Lappe, dert unger der Chappe

Ume Egge, vo schräg ufzmau der Kolleg
Chli Musig, chli Star, chli viel Fett i de Haar
No chli schmoll, no chli doof, scho chli Ma, no chli Goof
Chlines Tüechli ufem Chopf, chlines Gagi im Topf

Chli umesta, warte, chli Ching no im Garte
U töif i de Chnöi, aber furt vo dehei
No chli gäub uf der Zunge u Stoub uf der Lunge
Chli Belag u de Zäng u schmöckt e chli sträng

Ds Läbe isch hert, wüll ds Konto isch gsperrt
Chli Schulde, chli Buur, chli ne Mulde uf Tour
Chli ne Gruebe uf Reis, chli nes Bubi im Scheiss
Chli ne Bire, chli weich u alls chli ne Seich

U jetz stöh sie dert z'zwöit, so breit, wie's grad geit
Dernäbe u quer im Abeferchehr
Luege huere verwäge u si huere dergäge
Hei schwär eine druff u de het glych chli nes Puff

U nes Gnusch mit de Gfüehl, so chli zwüsche de Stüehl
I däm Dampf i däm Schweiss, so chli näbe de Gleis

Hei Jungs! Schnäu es Game
Gäge ds Alter, gäg ds Heim
Du dert, mach di zwäg
Leg dis Oferohr wäg

U du, lueg chli zue
Bing zersch diner Schue
Weli Bäll isch mer glych
Gäge mi machsch ke Stich

Nid ei Punkt, nid ei Satz
Di blas i vom Platz
Di wüsch i vom Tisch
Dass d'vergissisch, wär d'bisch

U jetz schlampisch, muesch hei u dert schlampisch alei
U bisch hässig, kaput u machsch d'Musig när z'lut
U machsch d'Türe nid zue u fingsch d'Mueter e Chue
Dini Louge isch d'Höll u ne Notschlafstell

U der Gstank penetrant mit de schwarzene Wand
Mit em Ofe ir Hand, dür ds Ghettoland