paroles de chanson Mueterland - Tinu Heiniger

Mir flüge, flüge über Matte
Über Chüe u über Felse
Über Böim u über Tanne
U mi Mueter näbedranne
Het hüt ihres lüchtig rote
U mis liebschte Jäggli anne

We sie lachet glänzt ir Sunne
Ds rote Mu, rot wie ne Rose
Vo däm nöie Lippestift
U mir summe u mir singe
Ach, wie churze üsi Tage
Uf däm Sässu vo däm Sässulift

Der Bärg steit höch
U töif ligt ds Dorf im Tal
Ds Härz es Füür
U d'Seel e Wasserfall

Der Luft wo wäiht
Isch ds Gfüehl, wo blybt
U der Garte, wo nis niemer
Drus vertrybt

Alls isch guet
Für all hets gnue
Offni Wunde heile
U gö zue

U mir flüge, flüge
Hand in Hand
Flüge hei
I ds Mueterland

U mir flüge, flüge
Hand in Hand
Flüge hei
I ds Mueterland