paroles de chanson Unterhaltigsbrunz Nr. 2 - Tinu Heiniger

O i arme Siech, i wirde mi a eis bestimmt nie gwöhne
Dass me hie gäng grad aus, was no chli läbt, vermarktet, au das Schöne
Wo ds Läbe hie usmacht wird is kaput gmacht, aus wird verwärtet, wird so entwärtet
D'Illusione vo Millione, ha, die suufsch ab der Röhre, dert louft, was d'söusch ghöre

D'Gfüel, d'Musig, d'Närve aus gits i Konsärve
Aber ds Läbe uf Rille isch hüfig e Pille
Für üs hie vom Dänke u Handle abzlänke
U gäg üse Wille näh mir ou die Pille
U jede hie trinkt, was hie eso stinkt

Nämlech dä Unterhaltigsbrunz wo hie us jedem Chaschte louft
U wo sech so gschisse dünn u harmlos gyt u drum so guet verchouft
U wott' muesch lose byr Büez, ir Beiz, im Näscht, im Stall
U überall allpot
Dä abglöscht Heiliwältverbreiterwärbespot

Steu dir vor, ou i wett jetz uf 'ds Mau dert ou no vou derby sy
I däm Schowbisniss, säg mau, wie chönnt i dert no würklech mi sy
Ja, i müesst mit mim Brunz ja gäng ir Volksgunscht sta
Wär drum gäng ungerwägs nach Stammtischsprüch u Gägs
U wär när die ganz Zyt geil uf mi nächscht Hit
U i würd nätt u wett so bi dene vom Radio
Hinger iche und so, bim Fernseh grad ou no

U würd so mit der War plötzlech e Volksstar
Chönnt äuä när gäng meh nume no mi gseh
Hät ke Zyt für d'Ching, d'Frou u d'Fründe, wär gäng vou
Doch mir wär das aus glych, derfür würd'i so rych
Ou i miech uf volksnah, miech, was schynbar ds Volk ma

Nämlech dä Unterhaltigsbrunz wo hie us jedem Chaschte louft
U wo sech so gschisse dünn u harmlos gyt u drum so guet verchouft
U wott' muesch lose byr Büez, ir Beiz, im Näscht, im Stall
U überall allpot
Dä abglöscht Heiliwältverbreiterwärbespot

Wenn i das jetz ou no miech, chaisch sicher si, me würdi mi belohne
Natürlech müesst i knallhart dry, d'Lüt dörfti bschysse
D'Herre müesst i schone
U de würd' ou ig gmänätscht u miech Chole, dass' tätscht
Ou i miech Wärbespot für Schi, Banke, Ankebrot
Würd Gschäft, Hüser choufe, mi Bude würd loufe

Was d Stüre, ja nei, die würd ou ig hingerzie
Hätt us dene Gründe jetz ganz anger Fründe
U hätt so im TV mi eigeti Talk-Show
Miech LP um LP, vor druf chönntsch mi Gring gseh
Müesst z'letscht miner Sache gar nümm sälber mache
Müesst z'letscht miner Sache gar nümm sälber mache
Würd eine mi Sach usnang näh, gubs Krach
Fängt eine mi Musig u d'Liedtägschte grusig
Mit däm giengt i schlicht - vor Gricht

Ds Gricht schützt dä Unterhaltigsbrunz, wo hie us jedem Chaschte louft
U wo sech so gschisse dünn u harmlos gyt u drum so guet verchouft
U wott' muesch lose byr Büez, ir Beiz, im Näscht, im Stall
U überall allpot
Byr Büez, ir Beiz, im Näscht, im Stall u überall allpot
Byr Büez, ir Beiz, im Näscht, im Stall u überall allpot
Byr Büez, ir Beiz, im Näscht, im Stall u überall allpot
Dä abglöscht Heiliwältverbreiterwärbespot