paroles de chanson Meni Aldadi - Ummon

Men seni boshqacha deb o'ylardim, o'zgacha,
Lek sen ham ekansan oddiy, sen ham ekansan o'sha-o'sha.
Aytgin, bunchalar arzon bizni bog'lab turgan rishtalar bahosi,
Bunchalar ham yolg'on ko'zlaring qarosi?
Sening so'zlaringda yo'q haqiqat,
Men oxiri shunga bo'ldim iqror:
Men senga hamma sirlarim yig'ib,
Aytib bergan ekanman bekor.
Bugun yolg'iz o'zim, dardlarimni
Yomg'irlarga aytib ovunaman.
Sen meni tashlab ketgan jarlikdan,
Albatta, bir kun kelib qutulaman.
Qaytib kelganda bahor,
Erib ketganda so'nggi yog'gan qor,
Bog'lar ichra takror,
Ko'risholmaymiz diydor.
Lablari meni aldadi,
Tubsiz zulmatga tashladi,
Oxir yolg'iz qoldirib,
Hatto xayrlashmadi.
Men seni boshqacha deb o'ylardim shu kungacha,
Kuzatmasdim, tekshirmasdim, ishonardim o'tgan tungacha,
Afsus shuncha yil adashib kelgan ekanman bugungacha.
Shu kungacha men senga borimni berdim, azizam,
Bir umr birga bo'lamiz, bo'lasan rafiqam,
Deb o'ylardim, afsus adashdim, seni tanlab adashdim.
Kimlar nimalar demadi sen haqingda,
Men esa yoningni olib, bo'ldim yoningda.
Kulgim kelmasa ham, kuldim kuldirganingda,
Kuysang, besh battar kuydim yuragim tubida.
Ortimizdan gapirganlar bo'ldi haq,
U esa aldardi ko'zlarimga tik qarab.
Uzun qizil tirnoqlari bilan yuragimga
Ismin yozib ketdi atay, o'chmas qilib tirnab.
Olisdagi baxtlilar yordam qo'lin beringlar,
Baxtsizlikdan charchadim, meni olib ketinglar.
Yolg'izgina Allohim, o'zingdirsan guvohim,
Yolg'izlikdan charchadim, o'zing bo'lgin panohim.
So'z demay ketgani xanjardan battar botdi
Yuragimga, tuyg'ularimga.
Malham bo'lib kelmadi o'zidan qolgan bitmas
Yaralarimga, alamlarimga.
Qaytib kelganda bahor,
Erib ketganda so'nggi yog'gan qor,
Bog'lar ichra takror,
Ko'risholmaymiz diydor.
Lablari meni aldadi,
Tubsiz zulmatga tashladi,
Oxir yolg'iz qoldirib,
Hatto xayrlashmadi.