paroles de chanson Für Maria - Wolfgang Niedecken

Er weiß noch,
Wie dä Bletz ihn troof, vermutlisch och, wodraan dat looch
Wenn'e och nit janz nööschtern woor, Maria
Die Düür jing op un du kohms rinn un ihm woor kloor: Die muss et sinn
Dä Engel do, dä Sonnesching, Maria

Sieh Repertoire ahn Sprüsch woor dönn,
Doch irjendwie krääte't tatsächlich hin
Dat du nit einfach wigger jinx, Maria
"Komische Hillije!" häss du dir jedaach, doch immerhin hatte't jewaach
T'wood jedenfalls en lange Naach, Maria

Em selve Fliejer enn en die nähxte
Stadt, dat hatt janz bovve einer kloorjemaat
Un er'e Häzz uss Kääzewax, Maria
E Fernsehstudio met zovill Lück un'e Museum, met zowinnisch Zick
Ahm nähxte Morje schon dä Flooch zoröck, Maria

Wat hätte dir nit all jesaat un keine Satz dovun woor praatjelaat
Hätt sich bloß Zentner vun der Seel jeschwaad, Maria
Dä Troubadour met dämm jeplatzte
Draum, dämm joldne Käfig un dämm Jummibaum
Enn'er Art Diskothek, mer jläuv et kaum, Maria

Maria, weiss du ei'ntlisch, wat du für ihn bess?
Ich saare: "... bess" un nit: "... ens woors."
Wenn jo, dann wunderbar,
Dann spar ich mir dä Rest. Wenn nit, Maria, denk koot noh

Monatelang nur Telefon, ne Breef uss Shanghai, uss em Sheraton
Mätress un Intensivstation, Maria
New York un Stalingrad,
Noch streng jeheim, doch dann zo viert en de Türkei
Woort schon'e seltsam Paar, ihr zwei, Maria

Wer joov üsch zwei nit all kein Chance?
Wie lang soocht ihr rundömm kei Land?
Dann widder mieh Jlöck als Verstand, Maria
Er weiss noch,
Wie dä Bletz ihn troof un jraad noch hätte sich jefrooch
Ob du ihn noch ens nöhms. Saach jo, Maria

Maria, weiss du ei'ntlisch, wat du für ihn bess?
Ich saare: "... bess" un nit: "... ens woors."
Wenn jo, dann wunderbar,
Dann spar ich mir dä Rest. Wenn nit, Maria, denk koot noh
Denk koot noh, denk koot noh