paroles de chanson Per milà - ZANO feat. Charlie Cinelli

G'è una stazion in mez ai terren,
L'è de confin fra duu paes
E tœts i dé, cont el cold o el freid
Senza lamentar-s tanta jent la speita in pé.
Dent g'è un bar e sul bancon
Tœts in fila, bei comè el sol,
I è i campari de le cinq per scoldar o portar via
I penser de la jornada qe l'è adree a rivar.
...
Mé son rivad, g'here tri agn,
Me se regorde, ind la man
El jopin de la Mattel e ind l'oltra un'oltra man
Qe me tegniva per sicureza e per miga fa-m scapar.
L'era Lina la mè vixina de cà,
La valzava semper la vox ma l'era bona comè el pan.
Qell dé la m'ha portad a far-m vedir Milan,
Mé picen coi riçoi bionds
E corios per tœt qell qe g'havress vest ind la citaa.
Riva el tren, riva da Bressa,
Qi l'è in ritard, o jemò cioc,
Insoma tanta jent qe la part per lavorar
E le mè domande sui binari per Milan.
Comè un gat fressos pestave i pé,
Una scorlida per tegnir-m bon,
El tren al se ferma e un om qe al varda jo
Un olter sior qe al me vœta a saltar su.
L'era la prima volta qe indave via de Calç,
Via da la mè jent, da la nona e da la cà
Abituad al cortil, al zio Pino e ai mè jœg
Me sembrava de indar in Amerega, de emigrar,
G'here voia de scoprir, scoprir Milan.
E adess ind el 2000 mé stoo a Milan,
E adess qe l'è tœta grixa, mé torne a cà.