paroles de chanson Ghdara - Lbenj

تايقولوا باللي حياتي
راه كانت بيدي أنا معرفتش ليها
وأنا تانقول باللي مكتابي
هو اللي صاݣني وهاني عايش فيها
يا خويا الحياة زوينة
وحنا الفقراء كاع منعرفوا ليها
شحال من حاجة راها ديالنا
الدولة خلاتنا غير نحلموا بها
صحابي سلاو المدرسة
كرهوا البطالة النص قصدوا الفلوكة
مايقبل عليهم غا الحوت
حيت ديجا غارقين كلهم وسط Droga
الفرق بيناتنا غير المادة
ديتوها وبقينا بلاش
حنايا عشنا عيشة طافية
نتوما لا متوا غاتلقاو العافية
بابا راني غالط je sais
غير مابغيتش نتايا كبير وتقاسي
جنينا دابا غير العذاب
حيت زرعنا النية في lpassé
اللي كنت حاسبهم صحابي
هوما نيت اللي زادوا فعذابي
فالكونطوار ݣالس الراسي
نعمر كاسي فقدت الثقة حتى فالساقي
ضحكت للفيزا والباسبور
قالت ليا تعالا نعدل ليك les papiers
خوات بيا وسط الغربة
داك لامور كلوا ولا regret
تعالو نقوليكم secret
دابا الشيرة عليا راها تسوفري
افتخو فيها السحارة
تخبط بالليل قدامك سوري تبات تبكي

يالميزرية قراتني
باللي فحياتي ماشي لامور اللي خاصني
L'essentiel ندير دراهمي
مانتقيش فصحابي
حيت راه كاع ما دايمين
باقي صغير وفظهري شايمين
حيت اللي دازوا كلهم كانو خاينين

ديك اللي بغات تبني famille

قولوا لييها مشاعري رايبين

توحشت نبوس ماما
نمشي فرحان للمدرسة

مانخافش يديوني البوليس

نخاف تضربني الأستاذة
ياربي سالي. عمري. وانا تايب

حيت ف. الباصي. كنت خايب
راني نادم. نادم. نادم

تايقولوا باللي حياتي
راه كانت بيدي أنا معرفتش ليها
وأنا تانقول باللي مكتابي
هو اللي صاݣني وهاني عايش فيها
خويا الدنيا راه دوارة
واللي قراني مشات اللي ولداتني
ديك اللي قلت راه حباتني
ملي لقات ماحسن دابا شونجات
ميمتي راني عايش solo
ولدك مهموم تاحد معارف جوعو
كاي négocier مع السعادة
باش يشريها ويخلص بدموعو
ويالحنّانة لا تبكيش
ولدك مشدود غير تسناي رجوعو
داز الليل ونتيا صابرة
مبقا والو الصباح قريب طلوعو
عارف راسو دار الفالطة
لعب بكارطة و déjà ݣاع ما رابحة
غير صبري وقولي نسامحو
وراه دموعك خلاو حياتو مالحة
ياو واش الرجلة ما تنجّمش
مع هاد القوم
كايعبدوا غير الدراهم
ياك السن يضحك للسن
أما من لداخل غا ربي اللي عالم
أنا وراسي غاندير l'évasion
بغيت نسالي مع كاع بنادم
بالخدمة يتزاد الرقم
ناقيص موشكيل قد ما تزاد lcalme
عيش مخبي تعيش à l'aise

ياك الشهرة تجيب ليك خويا غير l'mal
ما شاء الله حنا نيفو عالي

بصح خسارة طايح المورال
بغيتي تخسرني خد فرصة
سلك معايا

حسن ليك comme ça
بلاك ديك وديتي الدنيا
يا فاطمة راه تانحبك بارشا

خويا الدنيا راه دوارة
واللي قراني مشات اللي ولداتني
ديك اللي قلت راه حباتني
ملي لقات ما حسن دابا شونجات
ميمتي راني عايش solo
ولدك مهموم تاحد معارف جوعو
كاي négocier مع السعادة
باش يشريها ويخلص بدموعو
خويا الدنيا راه دوارة
واللي قراني مشات اللي ولداتني
ديك اللي قلت راه حباتني
ملي لقات ما حسن دابا شونجات
ميمتي راني عايش solo
ولدك مهموم تاحد معارف جوعو
كاي négocier مع السعادة
باش يشريها ويخلص بدموعو