paroles de chanson A Freilechen Tisha B'av! - אברהם פריד

תשעה באב ביינאכט
אז מ'האט אפגעזאגט די קינות
האט מען עס אין שמות באהאלטן
לשנה הבאה בעזרת השם
דעם תענית וועט מען מער נישט דארפן האלטן
אנשטאט צו לערנען קמצא ובר קמצא
וועט מען לערנען מילתא דבדיחא
אנשטאט צו לערנען הלכות אבלות
וועט מען לערנען הלכתא דלמשיחא
עס וועט זיין א בית המקדש במהרה בימינו
נאך שענער ווי דער ערשטער און דער צווייטער
וואס וועט מן השמים אראפקומען
אינגאנצן א פערטיגער א גרייטער
ס'וועט מער נישט זיין קיין צרות יגון ואנחה
און צום גלות וועט שוין זיין א סוף
און איינער דעם צווייטן וועט זיך וואונטשן
א פרייליכן תשעה באב
צהלה ושמחה וועט זיין מגילת איכה
און ס'וועט טאקע זיין א מחי'
שבת חזון וועט עולה זיין צו מפטיר
די נביא ישעיה
חזון ישעיהו וועט ער זינגען
מיט א שמחת תורה'דיגער ניגון
בנים גדלתי ורוממתי
כ'האב זיי שוין געבראכט די ישועה
משיח וועט פראווען א סעודת יום הולדת
און מען וועט זינגען מזל טוב
און איינער דעם צווייטן וועט זיך וואונטשן
א פרייליכן תשעה באב
עס וועלן מקוים ווערן אלע ברכות
און ס'וועט זיין א שפע לרוב
און איינער דעם צווייטן וועט זיך וואונטשן
א פרייליכן תשעה באב
תשעה באב צופרי וועט מען גיין אין מקוה
גיין צו מעמדות ביי קרבנות
צו שחרית וועט מען אנטוהן טלית און תפילין
טרינקען א לחיים אין דעם תענית
משה רבינו וועט ארויף אויף דער בימה
דרש'נען פאר אונז חידושי תורה
אהרן הכהן וועט טאן די עבודה
אנצינדען די הייליגע מנורה
דערנאך וועט מען גיין צו
שעורים און פלפולים
אין די פארשידענע ישיבות
און הלל און שמאי רמב"ם און ראב"ד
קצות החושן און נתיבות
משיח וועט פראווען א סעודת יום הולדת
און מען וועט זינגען מזל טוב
און איינער דעם צווייטן וועט זיך וואונטשן
א פרייליכן תשעה באב
עס וועלן מקוים ווערן אלע ברכות
און ס'וועט זיין א שפע לרוב
און איינער דעם צווייטן וועט זיך וואונטשן
יודעלאך!
א פרייליכן תשעה באב!