paroles de chanson ⁠Farhana Maak - إليسا

فرحانة معاك، فرحة حد نسي همومه من بعد ما عاش
خايف، قلقان من يومه
فرحانة معاك، فرحة واحد في الغربة لقاله صحاب
فرحة ليل متونس بنجومه

فرحانة أنا فرحة ناس اتفارقت
عن بعض ورجعت تاني اتلاقت
أو فرحة ناس من الدنيا اتضايقت
والدنيا في عينهم بعدين راقت

زي العيلة لما أبقى معاك
تلاقيها بتجري هنا وهناك
آه، تلاقيها من كتر الفرحة اتشاقت

فرحانة عشان بوجودك أنا موجودة
وبقالي زمان واقفة مكاني ومسنودة
مبقاش فيه كمان أيام مفروضة عليا عشان تتعاش
ومفيش أحلام جنبك مرفوضة

فرحانة معاك، فرحة حد نسي همومه من بعد ما عاش
خايف، قلقان من يومه
فرحانة معاك، فرحة واحد في الغربة لقاله صحاب
فرحة ليل متونس بنجومه

من لهفة قلبي عليك بتلفت
حواليا وبيا الدنيا دي لفت
وبحس بفرحة كأني عروسة
وقت ما لبست دبلتها اتدفت

فرحانة أنا فرحة بني آدمين
كانت موجوعة بقالها سنين
آه واتعافت بعد وجعها وخفت

فرحانة معاك، فرحة حد نسي همومه من بعد ما عاش
خايف قلقان من يومه
فرحانة معاك، فرحة واحد في الغربة لقاله صحاب
فرحة ليل متونس بنجومه

(فرحانة معاك)
من بعد ما عاش
فرحانة معاك، فرحة واحد في الغربة لقاله صحاب
فرحة ليل متونس بنجومه

(فرحانة معاك)