兩代女性

舊日嘅女性 只識奢嘆怨命
懦弱又怕醜兼夾多病
心歸悴憂靜 婚姻好比買賣
又靠占卜去決定

哎生仔生到心都驚 俾家婆蝦到嗌救命
當佢係副機器咁靈
就算更叻都冇用 根本睇低女性
卒之要起革命

現代嘅女性 認真巴閉夠勁
學問又夠叻專創新穎
衝出咗家庭 自己挑選對象
共你拍拖自決定

唏指揮工作似操兵 仲威過三軍總司令
夠曬活躍真正勁
令到社會進步 顯出光輝女性
應該要多贊穎

部分嘅女性 思想開放到盡
浪漫又野心不慣污淨
不關心家庭 夫妻雙方缺裂
令到婚姻欠穩定

要匿響屋企就冇得傾 要洗衫煮飯就嗌救命
佢愛活躍不愛靜
又到老公抗議 娶到超級女性
先生要起革命

但願女性應該知道使命
事業共揍仔點去兼並
不要疏忽咗家庭 夫妻分擔責任
互有瞭解去兼並

邊樣重時邊樣輕 事業家庭要稱一稱
最怕係思想錯認
盡曬女人責任 都有光輝貢獻
不需要解革命