Текст песни Storii di pisci - Alfio Antico

Arriccioli tagghiu a pezzi
Comu fussiru mmistini
Aju sardi e masculini
Di russizza comu alacci
Aju luvuri briali
Sunu rè di l'armali
Aju sarrichi di portu
Ppi li donni belli portu
Quattru resti di giurrani
Ca su pisci di cunfortu
Aju jammiru a'mmuzzuni
Rizzi e cozzuli e pateddi

Pisci jaddi e sturijani
Aju purpi e sicciteddi
Tegnu lupi e munaceddi
Tegnu aluzzi e ucchiata
Ogni bedda mi sta a lenza
Senza nudda differenza
Ju ci dugnu quannu scura
Na lumera e du buracci
Comu fussi na signura
Ccu recula e misura
Stu pisci fora ijacaqua
Stu palamitu mi s'afferra

E nun sunu pisci i serra
Si sta serra nun ci piaci
Stu mulettu e calamaru
Si e grussu megghiu sapi
Ppi cu mama e porta amuri
Sta cirenga e sta viola
L'ijufanti e pisci luna
Ammucca passuluna
Sparacanaci!

Cu chiu po' vinci la guerra
Nenti giuva fari vuci
Cu chiu sapi agghiutta e taci
Cu li vuci ognunu sferra
La criata e la patruna
Mi sta accocciu sta spinotta
Si mi cadi di furtuna
Ju ci dicu ca è picciotta
Ci la dugnu la cicala
E diversi pipiteddi
Avi carni di ricotta
Niviri l'occhi sunu belli

Citidduzzi sfacinnati
Cu li manu tra lu pettu
Aju opi aju angiddi
Aju troti di ciumara
Avvicinati vi lu incu l'emmu e u bacileddu
Iu v'aspettu!
Vivu sugnu!

Nun fa nenti si nun cala
Tra lu menzu di la scala
Ppi li donni maritati
Nu lubrinu e dui linguati
Du cruvetti e na cipudda
Quattru tegghi ncapulati
Ppi li beddi aju sarbatu
Quattru jimmiru di ciumi
Bianchi e netti comu nuci
Aju auli e ngrustateddi
Aju aguzzi e spareddi
E stu cefulu e sta stria

E nun sunu pisci i serra
Si sta serra nun cipiaci
Stu mulettu e calamaru
Si e grussu megghiu sapi
Ppi cu mama e porta amuri
Sta cirenga e sta viola
L'ijufanti e pisci luna
Cca sugnu vivu!
Sparacanaci!

Ppi nungniri a mala strada
Nui ci damu a li cattivi
Una sarpa tutta ovata
Ppi la gioia do panaru
Si nun fanu tanta fudda
Iu ci dugnu na murina
Ca ci sauta la midudda
Bello tonno, bello pesce spato
Niura iè a siccia
Guarda chi beddu puppu!
Guarda chi beddu puppu!