Текст песни Ayrı Dünyalar - Badclause

Çoxdandır ki, sən barədə yazmırdım
Unutduğumu sanmışdım, yanılmışam mən
Gedən qədəmlərinə xeyir-dua, qarğışam hərdən
Bir müddət qal bu şəhərdə, gəl qalmışam həmdəm
Yarı gecələr yas tuturam, yarı səhərlər
Şərəfin qaldısa səhvən, qoy onda yazım əzəldən
Danışım nə etdiklərindən, əfv etdiklərimdən
Danışım dəyərindən, bir az da sən yan qəhərindən

Yadında demişdim ki, bizi bizdən tək biz ayıra bilərik onda
Bizdən başqa hər kəsin odunda köz olmuşduq
Yalanlar danışdıq, bir az inanmışdıq
Hər şey öz yoluna düşər, düşürdü az qalmışdı
Amma öz axmaqlıqlarımızın ucbatından
Elə bir yerə gəldik ki
Artıq hisslər belə kömək olmur
Nə qədər ürək-dirək oldum, körpə qəlbə bələk oldum
Sonda bacarmadıq və ayrılıq gərək oldu
Yarım qalan bir hekayə yoxdur, ömür var
Mənlə birgə doğulub orda-burda mənsiz ölür yar
Özgəsiylə sıxma qəlbi, gəlsə könül dar
Nə vaxtsa bezib, çıxıb getsən, inan, yol deyil intihar

Deyirəm geri dön, göz qayıdır
Dil "yox" – deyir, "imkan"
Səninçün heçəm artıq, bilirəm ağıla yer eləyib inkar
Əgər ki, könül toxsa, görəcəksən hər ürəyi zindan
Olmasa qeyri bir ünvan, çəkinmə, burda yerin var

Biz ayrı dünyaların adamları
Ayrı röyalarda tək qalanlar idik, bunu sonda anladım
Gəzişir sarışan halım, közlər üstündə ayaqyalın
Ötür doğum günləri, tək üfürüb yanılı şamları
Biz ayrı dünyaların adamları
Ayrı röyalarda tək qalanlar idik, bunu sonda anladım
Gəzişir sarışan halım, közlər üstündə ayaqyalın
Ötür doğum günləri, tək üfürüb yanılı şamları