Текст песни Palestine - Balti

مسكين العينين جفت مالدمع أما القلب حزين
يبكي و يتنهد دخلاني هاز حمل رزين
ربي كتبلو باش يكمل حياتو يتيم
دمعو عل الخدين ، يقرى في ياسين
يبكي على امو لحنينة و بوه اللي راح
كل ما يتذكرهم كل ما تزيد تكبر لجراح
ما عادش لقيهم لا في حزن ولا أفراح
شكون يدلوا إذا راح شكون يهزوا إذا طاح
وينهم لي البارح كانوا مالين عليه الدار
وينهم لكان ليهم يبوحلهم بالأسرار
ويني لتبوسلها ساقيها تنجيك من النار
اليوم لحلو مرار اليوم هكا ربي أختار
هز أمانة عزيزة هز أغلى وأعز الناس
مهما الناس تواسي ماتحسش نفس الأحساس
ونهم لرباوك ويني اليد اللي تتباس
وينهم الوالدين لعزاز الله أكبر يا ناس

يتيم يتيم شنيا معنى الحياة
يتيم يتيم الدم العينين بكات
يتيم يتيم يتذكر في ذكريات
يرحم عالوالدين شمعة ضواية وطفات

هاز النعش ويبكي ويعيط الله أكبر
لكانوا محاذينو باتو في نفس القبر
هذا حكم ربي يا بشر
الموت حضر حفار القبور حفر من دمعة ولات مطر
وينهم لحبوك وينهم لتمناولك الخير
مهما تكبر ديما في عينيهم أنت صغير
حطوك في القطن وهوما باتو عالحصير
اليوم يبكي كالغشير وينهم الأميرة والأمير
شكون اللي في ضيقة أحوالك سائل عليك
شكون اللي في نومك تتعرى هو يغطيك
شكون اللي نحاها اللقمة من فمو ويعطيك
ويني اللي بروحها تفديك تدعيلك ربي يهديك
وينو اللي في مرضك في البرد جابلك دواك
ويني الي تقوم الليل تدعيلك في كل صلاة
ويني اللي تحس بهمك اذا بكيت بكات
ويني اللي فرحك غنات شمعة ضواية وطفات

ويني الأم اللي توحش من يديها الفطور
ويني نور العين اللي كانت في الدار تدور
ويني اللي في الفرحة تزغرت وتحط البخور
اليوم باتت بين القبور خلات القلب مقهور
وينهم اللي من غيرهم لحالي فرح ولا عيد
كل ما يتفكرهم في قلبو النار تزيد
تجيه الغصة كل ما يشوف تصاورهم في الحيط
اليوم هجروا مشاو بعيد خلاو وليدهم وحيد
اليوم الدنيا ظلمة من غير نور الوالدين
وينهم اللي حبيتهم ديما بجنبك فرحانين
وينو أغلى بو والأميمة اللي صدر حنين
نحنا عميان هما العينين والدينا نور الدارين
كل يوم يدعي لربي باش يشوفهم في الجنان
كل يوم يسأل ربي معنى الصبر والسلوان
اليوم مشاو عليه أغلى إنسانة وإنسان
الرحمة يا رحمان ... الرحمة يا رحمان