Текст песни Douza Douza - Balti

عدينا عمرنا بين كاس و دبوزة
و الوقت يجري بينا دوز دوزا
افتل غارو حير لعزوزة
جيبي فارغ و الدبابز مركوزة
يا حومة فز و قوم جيب الموني
قتلتنا الشيخة و الفياقة تصوني
خايف لا نكبر ما نلقاشي سومي
الراس يشيب و نغني ظلموني
قلنا صحاب طلعو سحاب كيما الريح يهز اللي يجيب
عمري ماشي شيخة سراب عمر راسك باللي في الجيب
الوقت يجري و أنا واحل دبابز فارغة ماشية في زبل
السيقارو يمشي و يجي يطفى لين تلقى عمرك كمل
ويني فلوسك افلي الڨمل دبوزة سيڨارو تفتل
ڨعدنا صنم ڨعدنا هوبل اسمع حسني و الشيخ الهامل
ارڨد في فرشك و تسبل كل يوم هكة تجري ليام
ارڨد ڨوم على الاوهام تفيڨ و تلڨى وردك ذبل
تصحى مل الشيخة تلڨى الكفوف مش عارف وين تڨبل
البطالة لميمة بلا مصروف راجل و الراجل تذل
تغزر لغدويكة بالخوف مل الواقع المخ تشل
المحنة صنعتها الظروف والطير الحر مكبل
افتل غارو حير لعزوزة
جيبي فارغ و الدبابز مركوزة
يا حومة فز و قوم جيب الموني
قتلتنا الشيخة و الفياقة تصوني
خايف لا نكبر ما نلقاشي سومي
الراس يشيب و نغني ظلموني
زطلنا سكرنا لين شاح الريڨ امتى باش تڨوم تفيڨ
وينو اللي سميتو رفيڨ وقت الشدة وحدك في ضيڨ
وينو صاحبك ما سئل عليك ما لڨيتو في مسرة و مضرة
نواصي و عتب و جرة وحدك اللي تذوق المرة
حومة بطالة فقر و دمار قهاوي ميسر لعبة قمار
سيڨارو يدور ڨدام الدار علينا من صبة الجار
ولد الجارة جاب الاخبار في حومة مجبود في خيط
لاترڨد الليل و لا نهار و لميمة تبكي في البيت
ڨولي ويني صحبة الحيط البوليس و إللي حارڨ
اللي حبايسي و إللي فارڨ واللي كسب فيك مارڨ
ڨاعد في حومة و بارك كي الشيخة هزتك للطاليان
تفيڨ مل الشيخة تشوف حالك في الحومة ڨاعد و حفيان
تصحى تلڨى متحشالك اللي بنا و اللي علا
اللي حرڨ جاب ولا لا صحة لا باكو غلة
راجل في الحومة لا ڨلة و إذا ڨل المال ڨل
و إذا الضبع بات شبعان الصيد ڨدامو يتذل
افتل غارو حير لعزوزة
جيبي فارغ و الدبابز مركوزة
يا حومة فز و قوم جيب الموني
قتلتنا الشيخة و الفياقة تصوني
خايف لا نكبر ما نلقاشي سومي
الراس يشيب و نغني ظلموني
حومة في غيبوبة اولاد الحومة في غيبوبة راكز دبوزة في غيبوبة دوزا دوزا في غيبوبة
سواڨر مبرومة في غيبوبة حومة مظلومة في غيبوبة حومة مسمومة في غيبوبة
حارڨ لروما في غيبوبة صنعو جرومة في غيبوبة زدمت الحكومة في غيبوبة
حومة مهمومة في غيبوبة احنا و هوما في غيبوبة بلادي مزمومة في غيبوبة
بلادي مڨسومة في غيبوبة لحمة ڨذرومة في غيبوبة حومة محكومة في غيبو