Текст песни Ana Zalameh - Bashar Murad

أنا زلمة
أنا زلمة
بعمل اللي براسي
ما تحاول تغيّرلي أفكاري
أنا زلمة
أنا زلمة
بعمل اللي براسي
ما تحاول تقنعني... عالفاضي

أنا رايح جاي وشو ما سوّيت
ولا حد بتطلّع (بتطلّع)
أو بسأل أنا وين
أنا بطلع بسّ خواتي، لأ عيب
ما تلوموني
بس اللي قبلي... علّموني هيك
دلّلوني وقدّمولي حقوقي
وعلّموني
الدّنيا ما بتمشي بدوني
مش معقولة
أنسى بهالسّهولة

زيّي زيِّك
متلي مِتلك

أنا زلمة
أنا زلمة
بحترمها وبقدّرها
وبتعلّم القوّة منها
أنا زلمة
أنا زلمة
بتسمعلي وبسمعلها
وما بحاول أغيّرها

بقولو: المَرَة من Venus
والزّلمة من المرّيخ
بسّ بالحقيقة
إحنا نفس الشّي
شو لو جرّبنا
نرجع في التّاريخ
نعيد الصّورة
ونوقّف التّمييز

ولا حدا
ولا حدا أحسن من حدا
ولا حدا أبدا من حدا
والمستقبل هلّأ بدا

ولا حدا
ولا حدا أحسن من حدا (حدا...)
ولا حدا أبدا من حدا
والمستقبل هلّأ بدا (هلّأ بدا)

ولا حدا
ولا حدا أضعف من حدا
ولا حدا أقوى من حدا
والمستقبل هلّأ بدا (بدا)
إذا بنمشي سوا

إذا بنمشي سوا (سوا... سوا... سوا...)

أنا زلمة
أنا زلمة
بحترمها وبقدّرها
وبتعلّم القوّة منها
أنا زلمة
أنا زلمة
بتسمعلي وبسمعلها
وما بحاول أغيّرها