Текст песни Du - bes die Stadt - Bläck Fööss

Du bess die Stadt, op die mer all he stonn
Du häs et uns als Pänz schon aanjedonn
Du häs e herrlich Laache em Jeseech
Du bess die Frau, die Rotz un Wasser kriesch

Jrau ding Hoor un su bunt di Kleid
Du häs Knies en der Bud, doch de Näjele rut
Jrell jeschmink un de Fott jet breit
E Jlöck, dat deer dat all jot steit

Du bess die Stadt, op die mer all he stonn
Du häs et uns als Pänz schon aanjedonn
Du häs e herrlich Laache em Jeseech
Du bes en Frau, die Rotz un Wasser kriesch

Frech wie Dreck, doch et Hätz ess jot
E klei bessje verdötsch, met nix jet am Hot
Jot jelaunt, dat et bal schon nerv
All dat hammer vun dir jeerv

Du bess die Stadt, op die mer all he stonn
Du häs et uns als Pänz schon aanjedonn
Du häs e herrlich Laache em Jeseech
Du bes en Frau, die Rotz un Wasser kriesch

Du bess die Stadt am Rhing, däm jraue Strom
Du bess verlieb en dinge staatse Dom
Du bess en Jungfrau un en ahle Möhn
Du bess uns Stadt un du bess einfach schön
Du bess uns Stadt un du bess einfach schön