Текст песни Beðurinn - Bubbi Morthens

Leiðtogar jarðar loforð sviku gefin
Hvísla gerum ekkert meðan lifir efinn
Þeir vita lygin er banvænn leikur
Ljósið sem sést er eldrauður reykur
Við erum öll fram af brúninni að renna
Undir draumnum er beðurinn að brenna

Hafið það súrnar og sólin hún grætur
Og svíður hagann og brennir rætur
Þú mátt gapa en græðgin er verst
Gera ekkert er of mikið veist það manna best
Ekki lengur spurning einhverju að nenna
Undir draumnum er beðurinn að brenna

Á netinu siglandi í sjokki horfum á
Segjandi elskan komdu þú verður að sjá
Leiðtogar þjóðar fastir frösunum í
Meðan fólkið planleggur til helvítis frí
Við öngu björgum með blaði og penna
Meðan beðurinn okkar er að brenna

Engin afsökun verkin verða að tala
Viljir þú börn þín fái sín börn upp að ala
Í veruleika mínus hamfarir og dauða
Þar sem skógurinn var er aðeins jörðin auða
Þú sérð ekki sólina glaða sig glenna
Hulin er reyk meðan beðurinn er að brenna

Teningnum kastað tíminn er á þrotum
Þurfum ekki loforð gefin í einkaþotum
Milljónir á vergangi maðurinn er einn
Dylan sagði syntu annars sekkur sem steinn
Við vitum öll hverju er um að kenna
Undir beð okkar allra er jörðin að brenna