Текст песни Nas w nas - Cairokee

في ناس ماتت عشان تعبر وترفع يا بلد اسمك
وناس عاشت عشان تهبر وتنهش حته من جسمك
في ناس حاربت عشان عرضك
رويت من دمّها أرضك
وأدّت يا وطن فرضك بدون لحظة ما تتردّد
فيه ناس ماتت عشان مبدأ سنين بسلاحها فى الخندق
ومين ممكن يكون أصدق من اللى عشانك استشهد
في ناس ماتت بلا زفة
وسابت مصرنا واقفة
ولو يتحط فى الكفة
بطل منها بجيش كامل
لا تعرف يعنى إيه تطبيع
ولا معنى إنك إنت تبيع
تاريخ أمة خلاص بيضيع بوهم اسمه سلام شامل
فيه ناس قضت على الجبهة سنين مكويّة بلاهبها
تاريخنا عمره ما جابها ولا سجّل حكايتها
لا سألت على مكاسبها ولا العيلة اللى هاتسيبها
ولا كانت بتحسبها وضحت راضية بحياتها
فيه ناس حاربت ومش عايزة ولا تكريم ولا جايزة
وقابلت ربها فايزة بجنّاته ورضوانه
وناس عاشت عشان تحرق وطن وفى ثروته تسرق وجاهزة تهج لو يغرق فلا عاشو و لا كانوا
فيه ناس لاجل البلد صنعت
ملامح نصر بيه رفعت
رقابنا فوق وما طمعت
فى مال يا مصر او شهرة
فيه ناس لاجل البلد قاست
وفوق المستحيل داست
وناس من بعدها عافت
فساد فى أرضك الطاهرة
من الشهدا فى عبور الجيش
إلى الشهدا فى طابور العيش
سنين وفاتت ما قدرتيش
تصونى نصرك الغالى
فيه ناس سرقت ثمار النصر
وباعت كل حاجة فى مصر
وخليتنا نعيش فى عصر
مهيش بلدى وانا مالى
وأنا مالى
وأنا مالى
وانا مالي