Текст песни مطلوب زعيم - Cairokee

مطلوب زعيم
لشعب طول عمره عظيم
لشعب كان فاعل زمان لكنه هان
حتى إنه صار
بإيدين كبار و إيدين صغار
مفعول به بيقسموه و يفرقوه
و يقطعوا في عين اللي جابه و اللي جاب أبوه
عشان يموت
أو ينتهي
مطلوب زعيم
لشعب حكامه خانوه
و توهوه و غيبوه و اللي انتبه منه و فاق غموا له عينه كمموه
و سلموه في المعتقل
لكلاب جعانة يقطعوه
لكنه رغم القهر قام زأر و زام
و في أسبوعين زلزل حصون الجلادين هد النظام فوق راس جميع
المفسدين
مطلوب زعيم
يحمي الحقوق
يعدل ما بين الناس تمام زي الفاروق
و يكون حنين عالفقير
و عاللي فاسد يفتري
يهدم على دماغه الشقوق
و يعلقه في المشنقة
أو يرفعه
على راس خازوق
مطلوب زعيم
ميقولش عالخواف حكيم
و يكون كمان سمعه سليم يسمع لنبضة قلبنا ويكون مكانه في وسطنا
ميعش أبدا في القصور
و البعض مننا للأسف ساكنين قبور
يشرب و ياكل أكلنا
و يعيش كواحد مننا
يسمعلنا و يشور و ياخد رأينا
وقت الخطر نتلم حواليه كلنا
و نضحي وياه
بعمرنا
مطلوب زعيم
عالمسئولية يكون أمين
و يكون جريء و يكون شجاع مش إمعة وحتة بتاع
يعرف يقول للظلم لأ
و يموت ولا يفرط في حق
مطلوب زعيم
نقدر نحاسبه بالقانون
أو نعزله
لو للأمانة يوم يخون
لا يشترط الشكل ايه
لا يشترط السن ايه
لا يشترط الملة ايه
شرطه الوحيد يكون بشر
بالاختصار
مطلوب دكر