Текст песни Hässlich - Dabu Fantastic

Lueg de Coiffeursalon im ne Dorf
Uralts Läder, Hahne voll Roscht
Allne Buebe de gliichligi Schnitt
Mit Farb, de Muetter über vierzgi chli Pepp
Lueg en S-Bahn-Zug uf em Gleis
Fiirabigbier, es isch Summer und heiss
Alli Hämper und Liibli verschwitzt
Es schmöckt nach Mänsch und du chläbsch a diim Sitz
Lueg die Dame bi mir im Quartier
Fahne nach Bier, sitzt ane zu mir
Dänn lacht si und luegt mich a und seit guete Maa
Wänn d jetz chöntsch wähle, säg, was wär de Deal
Lieber für immer dumm oder für immer hässlich sii? Säg!
Lieber unglaublich hässlich als unglaublich dumm
Lieber en Tanz mit em Tüüfel als en Tango in dur
Lieber unglaublich hässlich als unglaublich dumm
Ich wott s so vil lieber so
Lueg dune bim Meer, die Beiz in re Gass
Maria mit Träne, verbleicht a de Wand
Dusse Verchehr, d Feischter sind schwarz
Sepia-Pasta, feinschte Salat
Lueg de morge am Sunntig, wo d weisch
Bier gäge Wasser, hundert zu eis
De moment, wänn d Sunne ufgaht
Und du bisch immer no duss uf de Gass
Lueg die Dame bi mir im Quartier
Fahne nach Bier, sitzt ane zu mir
Dänn lacht si und luegt mich a und seit guete Maa
Wänn d jetz chöntsch wähle, säg, was wär de Deal
Lieber für immer dumm oder für immer hässlich sii? Säg!
Lieber unglaublich hässlich als unglaublich dumm
Lieber en Tanz mit em Tüüfel als en Tango in dur
Lieber unglaublich hässlich als unglaublich dumm
Ich wott s so vil lieber so
Lieber Bilder i miim Chopf, als vo miim Gsicht
Lieber bitzli mies in Form, als ohni Gwicht
Lieber es Gsicht wien en Zyklop, als ohni Sicht
Lieber Bilder i miim Chopf, als vo miim Gsicht
Lieber Bilder i miim Chopf, als vo miim Gsicht
Lieber bitzli mies in Form, als ohni Gwicht
Lieber es Gsicht wien en Zyklop, als ohni Sicht
Lieber Bilder i miim Chopf, als vo miim Gsicht
Lieber unglaublich hässlich als unglaublich dumm
Lieber en Tanz mit em Tüüfel als en Tango in dur
Lieber unglaublich hässlich als unglaublich dumm
Ich wott s so vil lieber so
Unglaublich hässlich
So vil lieber so vil
Tanz mit em Tüüfel
So vil lieber so vil
Unglaublich hässlich
So vil lieber so vil
Ich wott s so vil lieber so
Ich wott s so vil lieber so