Текст песни Qara Gözlərin - Elmira Rəhimova

Nə gözəl süzülür qara gözlərin
Əcaba, onları süzmək vaxtımı?
Duruşun mənalı, baxışın dərin
Mən bu dərinlikdə buldum baxtımı

Sənin qara gözlərin
Şirin-şirin sözlərin
Sənin qara gözlərin
Şirin-şirin sözlərin

Sənin gözlərinmi gənclik bağında
Yoxsa nərgizlərin sayrışıb oynar?
Yoxsa çıxılmayan eşqin dağında
Ömrümün dirilik çeşməsi qaynar?

Sənin qara gözlərin
Şirin-şirin sözlərin
Sənin qara gözlərin
Şirin-şirin sözlərin

Qoy desin dünyanın el aşıqları
Qoy desin dünyanın el aşıqları
Bu şövqü kim mənim ruhuma yaydı?
Donardım, donardım, gözünün şən işıqları
Qəlbimin camında qırılmasaydı, ay aman

O qara gözlərin deyil parlayan
Ulduzlar içində gecələrimdir
Bəlkə də, ruhuma aydınlıq yayan
Bir sərin, ziyalı, yaz səhərimdir

Sənin qara gözlərin
Şirin-şirin sözlərin
Sənin qara gözlərin
Şirin-şirin sözlərin
Sənin qara gözlərin
Şirin-şirin sözlərin
Sənin qara gözlərin
Şirin-şirin sözlərin