B3ida

صعيب يبقى واقف لي غابولوا ركايز
بابا نعاودها غير سحاب وجايز
حكاياتهم فارغة غير هدرة عجايز
لي جابته فايزة حالف يخرج فايز

دنيا غدارة وما خلاتلي والو
دنيا غدارة شقينا وما لقيناش
كل ما نبدا نصارح لي كان يمشي في حاله
كي عيط العيب حنا ما ريبونديناش

وأنا ماشي الليل حتى رجليا حفاو كان بزاف طويل trajet مكتوب يڨيدي فيا قلي دايني لوين؟
بحر الهم صعيب لاقي روحي فيه ناجي راني متوحش صوت لحنين
وليدك طير الحر حاب يديروه encagé فراق ليامات درك ولا سنين
تغيض ما صحتلي باه نشوف ماما agée

اليوم راني بعيد، اليوم راني بعيد عليك

بعيدة، مرمي في بلاد بعيدة، بعيد على شيخ على قبر الوالدة
مرمي في بلاد بعيدة
بعيدة، مرمي في بلاد بعيدة، بعيد عليكم وقلوبكم لمريضة
مرمي في بلاد بعيدة

همي دخلاني ونخرجه ملحون
متوحش كنزي في العالية مدفون
قلبي كان حجرة وكملها مطحون
مشيت ما خليت لا برية لا téléphone

باش تصدقني هاك نفسي ضمان
نستاهل الحياة خلاتني في دمار
وإذا غالط معاك غير قوليلي أمان
اليوم حسيت فراغ وداني تعمار

وعلاش اللوم؟
لوم مادام حتى شي ما يدوم
دوم وأنا في العباد نصوم
نصوم لاقي وحدي اليوم

تبع هبالي داني في هواه
عايش ذكريات كون يولي زمان
وأنا جرحي كي كبير قلي شكون لي دواه؟
قاصد الظلام ونعيط في لامان

اليوم راني بعيد، اليوم راني بعيد عليك

بعيدة، مرمي في بلاد بعيدة، بعيد على شيخ على قبر الوالدة
مرمي في بلاد بعيدة
بعيدة، مرمي في بلاد بعيدة، بعيد عليكم وقلوبكم لمريضة
مرمي في بلاد بعيدة

(بعيدة، مرمي في بلاد بعيدة بعيد عليكم وقلوبكم لمريضة)
(مرمي في بلاد بعيدة)