Текст песни Al Rabih Al Arabi - Hiba Tawaji

عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول
عن أيّ ربيع بغني عن أيّ ربيع بقول
هالناس اللي عم تسقط هني أبريا ومين المسؤول

حلمنا بربيع مزهّر عطره ينتشر عالناس
طلع الربيع محيّر زهر دم ولاد وناس
بديت بعربية خضرة، ولعت ثورة بالميدان
عملوها ثورتنا حمرا تقتل بإسم الأديان
عملوها ثورتنا حمرا تقتل بإسم الأديان

دول كبيرة دخلت فينا بمصالحها السياسية
طار النعس من ليالينا بحورتنا مش محمية
جابوهن من ضيع بعيدة هودي بربر المغول
بقلبن وحشة وعقيدة لا بتتجادل لا بتزول

هدير صواتن أتدفق قالولن أنتوا مقاتلين
الوطن العربي إلكن خندق لا تفرقوا لون ولا دين
الشعوب القررت مسارها حقها تعيش بحرية
لكن الثورة يا خسارة ردّتهن للعبودية

عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول
عن أيّ ربيع بغني عن أيّ ربيع بقول
هالناس الي عم تسقط هني أبريا ومين المسؤول

حلمنا بربيع مزهّر عطره ينتشر عالناس
طلع الربيع محيّر زهّر دم ولاد وناس
بديت بعربية خضرة ولعت ثورة بالميدان
عملوها ثورتنا حمرا تقتل بإسم الأديان
عملوها ثورتنا حمرا تقتل بإسم الأديان

ثورة التغيير لتطور مش لترجع لورا
خوفي لهالثورة تأخر وتصيرنا مسخرة
بدّي ربيع يكون أخضر تا يبشر بصيف جديد
عملونا الربيع الأحمر رشّونا سلاح وحديد
من خلف الربيع بتسطع شمس الصيف المضوية
بعد الصيف الخريف بيسمع رعد الغيمة الشتوية
حتى بكرة الشتي يطلع يغسل أراضينا الحمرا
ثورة الحياة بترجع بالصرخة الإنسانية

سمّونا الربيع العربي زهّر خريف الفوضى
الغرب خلّى الشعب العربي ما يحرر الثورة بيضا
خوفي ع هالشعب العربي غيره يحررله الثورات
ويبقى جاهل متل الصبي يحكم بصفوف الروضة

عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول

عن أيّ ربيع بغني عن أيّ ربيع بقول
هالناس اللي عم تسقط هني أبريا ومين المسؤول

حلمنا بربيع مزهّر عطره ينتشر عالناس
طلع الربيع محيّر زهر دم ولاد وناس
بديت بعربية خضرة ولعت ثورة بالميدان
عملوها ثورتنا حمرا تقتل بإسم الأديان
عملوها ثورتنا حمرا تقتل بإسم الأديان