Текст песни Hey Kölle - 11 + 11 Version - Höhner

Hey Kölle, du ming Stadt am Rhing
He wo ich jroß jewode ben
Du bes en Stadt met Hätz un Siel
Hey Kölle, du bes e Jeföhl!

Ich han die Städte der Welt jesin
Ich wor in Rio, New York un Berlin!
Se sin op ihre Aat jot un schön
Doch wenn ich ihrlich ben, do treck mich nix hin!
Ich bruch vum Balkon dä Bleck op d'r Dom un die Hüsjer bunt om Alder Maat!
Ich bruch dä FC un die Minsche he un die jode, echte kölsche Aat!

Hey Kölle, du ming Stadt am Rhing
He wo ich jroß jewode ben
Du bes en Stadt met Hätz un Siel
Hey Kölle, du bes e Jeföhl!

Du häs em Kreech fas' mem Levve bezahlt
Doch se han dich widder opjestallt
Die Zick, die mäht och för dir nit halt
Hück häs de Ecke, die sin jrau un kalt!
Do weed römjebaut un vell versaut
Un trotzdem eines, dat es jewess
Dat dä Ärjer vun hück, un dat jeiht flöck
Die jode ahle Zick vun morje es!

Hey Kölle, du ming Stadt am Rhing
He wo ich jroß jewode ben
Du bes en Stadt met Hätz un Siel
Hey Kölle, du bes e Jeföhl!

Ich blieve he, wat och passeet!
Wo ich die Lück verstonn
Wo ich verstande weed!
Hey, hey, hey!

Hey Kölle, du ming Stadt am Rhing
He wo ich jroß jewode ben
Du bes en Stadt met Hätz un Siel
Hey Kölle, du bes e Jeföhl!

Hey Kölle, du ming Stadt am Rhing
He wo ich jroß jewode ben
Du bes en Stadt met Hätz un Siel
Hey Kölle, du bes e Jeföhl!

Du bes en Stadt met Hätz un Siel
Hey Kölle, du bes e Jeföhl!

Hey Kölle!