Текст песни Engel vun Linie 8 - Höhner

Endlich jeschaff
En d'r Bahn, erus us d'r Stadt
Fix un fädich vum Dach
Noch met einem Aug waach
Jäjenüvver vun mir
Do stundts du, luurts verdräump us d'r Dür
Minge Bleck klävten aan dir
Wor vum Donner jeröhrt

Eine Bleck, alles bliev stonn
Als ov Sekunde wie Johre verjonn
Dann jing de Dür, ich luurten dir hingerher
Un dann wor alles leer

Hätt ich doch bloß dä Mot jehat
Un noh dingem Name jefroch
Jetz sök ich di Leech en jeder Naach
Minge Engel vun Linie Aach

Anderer Dach die selve Zigg
Vielleicht bes du do? Vielleicht han ich Jlöck!
Doch ejal wie lang ich och waad
Kein Linie Aach

Jestreche, einfach esu
Die Linie Aach un domet och du
Soll et dat jetz jewäse sin?
Dat nemm ich nit hin!

Hätt ich doch bloß dä Mot jehat
Un noh dingem Name jefroch
Jetz sök ich di Leech en jeder Naach
Minge Engel vun Linie Aach
Hätt ich doch bloß dä Mod jehat
Un einfach ens "Hallo" jesaht
Jetz sök ich di Leech en jeder Naach
Minge Engel vun Linie Aach

Noch Monde späder jeihs du mir nit us'm Sinn
Ich stonn am Nümaat un die Sibbe fährt en
Aan et Schicksal, do jläuv ich nit, aan un för sich
Doch die Dür jeiht op un dann sinn ich dich

Endlich han ich dä Mot jehat
Un noh dingem Name jefroch
Du bes mi Leech en jeder Naach
Minge Engel vun Linie Aach
Endlich han ich dä Mot jehat
Un einfach ens "Hallo" jesaht
Du bes mi Leech en jeder Naach
Minge Engel vun Linie Aach
Minge Engel vun Linie Aach