Текст песни Ameddyaz (La mort du poête) - Idir

Allen-iw gar yitran
Ttnadint igenwan
Wissen anda telliḍ
Tiziri yeḍwan
Tessared iẓekwan
Wis ma aɣ-d-tettwali
Negra-d d imeɣban
Mi i aɣ-ikellex zzman
Ggujlen wussan
Inɣa-ten uṣemmiḍ
Anwi id as-innan
Lefraq i sɛeddan
La yettru umkan-nni
Ideg i tettɣimiḍ

Anda i k-rran
Anda i k ǧǧan
Wissen anwa i d itri
Ideg i tettiliḍ
Nessawel i yal amkan
Ur neẓri anida tensiḍ

Tawrirt n Mimun
Anda fell-ak run
Dinna i d-tettnerni
S-nnig lkanun
Lefnar yettargun

I tmendârt sliɣ

Ayen i aɣ-d-hekkun
Imɣaren issefrun
D agni yettwattun
Dinna i ten-turiḍ
Ad fell-ak cfun
Ulamek ara k-ttun
Ulamek ara k-mḥun
Ɣas ulac-ik telliḍ

Tura d imeɣban
Imi i aɣ-ikellex zzman
Ggujlen wussan
Inɣa-ten uṣemmiḍ
Anwa id as-innan
Lefraq isɛeddan
La yettru umkan-nni
Ideg i tettɣimiḍ

Anda k-rran anda i k-ǧǧan
Wissen anwa i d itri
Ideg i tettiliḍ
Nessawel i yal amkan
Ur neẓri anida tensiḍ