Текст песни Africano - Ikaz

نشفى كي بدات لحكاية
كان في عمري 4 سنين
تمنيت مانعيشها telment
حليب يما مازالو ف السني
مالقري لهم لي مسني
شايف لاميزار لا beauté
كي درت فبالي لعايلة تقعد
Toujours a mes cotés
قاعد نخزر فيما
فهمني واش صرا با
ب 12 دولار باعوني لمول لمحل تاع زرابا
دوك قولي شكون لي بيا
ابار في كتافي لقبي l′argent حبو يدخلو بيا
باش يعرسو لخويا لكبير
لازم نخدم حق الدين
باش يطلقوني للدار
نحيت من روحي ومديت مي جي نهار لي نخلف التار
مي باعد مادوني locale
مالقيت لحرفة فيدي
قالي لمعلم il faux تقرا عام باه تفهم l'idée
لبروف يقول مي الميتي مليحا فراسك قد ماتدي
باسكو الغلطا راح تزيد على والديك قيمت الدين
Enfin
دخلوني للمحل مور ما كملت عامين
كانت باينة ماكاش الحل
وليت اونديري عابيد
قعت نفيس بلعاني والخزرات عليا يفوتو
قالك لي تلقاه مكتف سير حاب يرحب بموتو
كاين الي شقا على قوتو . كاين لي سمح فخوتو
كاين لي حاب يدير لحس دار قرعة مور فيلوتو
داخل لصالة نخدم وانا اسم العايلة ناسيه
رحب بيا مسلم pourtant كان اسمي اقبال المسيح
جاني واحد مسلح لقماش فوق ظهري سلع
مقدرتش نزيد نطابس وانا حياتي قاع مسمح
كي خزرت فروحي لمحت للقصة صح فيا تاكل
قطرة من عيني دمعت مي على الهربة راني متاكل
بديت نتمتم وخايف نلقاهم يسمعو فيا
و كل دقيقو دجوز نتفكر العايلة نهار لي سمحو فيا
الاج دو 10 ans كبرت وبديت نحس فروحي واعي
كي ديكوفريت يلي الهربة بلاك تكون حلي الوحيد
درت الكوراج وسكسفيت
ماكاش ليدارها كيفي
كي شفت نتاجي حرين فقلبي لهبت نار الغيرة
قاهم لمعلم خلي براحتو يمد لموتو C.V
جامي لا تصعابلي تالمو باكستان صغيرة
هارب و تالفة طريقي مالقيت بيها وين النروح
مالقيتش لحنانة كو روبريزي شكو يداوي لجروح
تالمو خفت يصيبوني غطيت راسي بالفولار
ضمتني جبهة لقيتها تنادي بتحرير الطفولة
لقاتني بزاف نتالم
منها بدات فيا تعلم
قدام منلحاق للموند عطاوني فرصة باش نتكلم
في قلبي بديت نكلم . مابقاش و ناري تطفى
غير بالعقل بديت مالعبودية نصوفي الاطفال
جاني مصغر وقالي تمنيت نولي كيفك
بديت ننشر ف التوعية بعد ما وليت رمز الكفاح
زعما وليت محروس تحت درا لامان تغطيت
مي مور الشي لي درتو بين يدين المولا تحطيت
قالهم مسكين تمنى بالخير يبني باطيمات
فالجريدة عليا كتبو كي كا يكومباطي مات
خلوني نصارع عا لحياة ونموت وحدي
Tellement
تقتلت a لاج de 12 ans
قبري رفدو قاع الموند
لي عليا كامل درتو ابار سا شي مايهمني
و مالقري مانيش مسلم مي تجوز كي نقول
《 الله يرحمني 》.