Текст песни Tum - Kaafir Music

Tum thake banjaare ki neend si
Tum haare juaari ki seekh si
Tum nanhi si jaan ke pehle kadam
Tum behre kaano mei ho cheekh si

Tum roshni gufa ke bhaar ki
Tum jeet har haar ke baad ki
Tum aankhon mei Khushi ki chamak si
Tum ho kya ye tumko bhi bhanak ni

Tum waise bhi sabhi se alag si
Dekhne ko tumhe aankhein ye tarasti
Tum lekhak k khaatir ho kalam si
Tum baarish jo kheton mei barasti

Tum manzil ho jiski talaash mei
Saalon se bhatakta fire musafir
Tumhi se hasta hai mayank aur
Tumhi se hasega kaafir

Likhne ko likhdu mai nazmein hazaaron
Par ye wali tumhare khaatir
Tum khuda ke bande liye ho khuda se
Zulam kya kare khuda fir

Mai waise bhi juda hu maut se
Tumse mai kaise ho sakta juda fir
Aur jab bhi mai aage badha hu toh
Cheekh pukaar pe bhi na muda fir

Hum toote bhi aur ab adhoore bhi
Tujhe bulaate tu kabhi toh sunegi
Tumhi se honge hum poore bhi
Yaani hum honge ab poore ni

Tum sard mei jalti ek aag si
Andhere mei tum ek mashaal si
Jab puche koi baare tumhare mai kahun
Tum chidiya ki pehli udaan si

Tum jaun ki shayri
Tum nusrat-e-sahab ki ghazal ho
Panne zameen se aur mai kisaan
Aur tum meri fasal ho

Mai bharta hu panne
Par tumse mai chaaahu tum bharo udaan
Jo paya na kisi ne karu dua
Mai ke tumhe vo mile mukaam

Tum ghayal sipaahi pe marham se
Tum bhale insano ke karam se
Iss kaaton se bane samajh mei
Gale lagaane pe tum lage naram se

Tum aise samudr
Dooba jo tum mei toh dhundhu kinara ni
Ye duniya akash si
Andhere mei tum jaisa dooja sitara ni

Mai khaa chuka maat hu itni ki
Na khaa saku joothi kasam ab
Tum badh chalo kitne bhi aage
Mai aaj bhi likhta hu tumpe nazam bass

Tum jaisi bhi ho
Tum mere liye kisi khwaab se kam ni
Vo khwaaab Jo dekhna chaahe hum
Asal mei par usse paaa sake hum ni