Текст песни Vata, Mutta, Kind - Kurt Ostbahn & Die Kombo

Im Ö oda in da Fettn
Auf jedn Foi im Zuan
Do is a rabiat wuan
A manchmoi gengan Buam
Wanna eam z'vü platzt hod
Wia hoid Gschroppn rean
Wanns grod de erschtn Zähnt kriagn
Und oft a Nocht lang plärrn

Kinda san oft Gfrasta, hod a gsogt
Quöln di bis aufs Bluat
Wann da de Hand gach auskummt
Hüft des mehr ois wia jeds Wuat
Oba a freundliche Famülie
Nau, wia haaßens gschwind
Ganz normale Leit hoid
Vata, Mutta, Kind

Vielleicht a bissl laut hoid
Oba wer hätt si sowas denkt
Daß dea sein eignan Buam daschlogt
Und si drauf am Fenstakreuz dahängt

Gspitzt woas scho, de Klane
Wos waaß ma, vielleicht woas krank
Ma hods ned vü zum Gsicht kriagt
Manchmoi im Hof unt auf da Bank
Do is gsessn mit ihre Pupperln
Und hod si brav allanich gspült
Mit d'andern Kinda hods ned dürfn
De woan en Papa oiweu z'wüd

Jetzt spüd de Klane nimma
Jetzt is daham vabliat
Da Vata hods amoi zu oft gnumma
Und de Mutta hod se z'lang dafia geniert
Oba a freundliche Famülie
Nau, wia haaßens gschwind
Ganz normale Leit hoid
Vata, Mutta, Kind

Vielleicht a bissl eign hoid
Oba wer hätt si sowas denkt
Daß des bei dia im Stock passiert
Und ma nix merkt davo wos rennt
Und ma nix merkt davo wos rennt
Und ma nix merkt davo