Текст песни Simcha - Lipa Schmeltzer

דער צדיק ר' בונם ביים וואסער שפאצירט
א מוסר שמועס מיט די חסידים ער פירט
פלוצלינג הערט זיך א קול פון געוויין
א איד קען פון וואסער נישט ארויסגיין

די חסידים זענען גלייך אהין געלאפן
דעם איד טיף אין וואסער האבן זיי געטראפן
צו ר' בונם מפשיסחא האבן זיי געזאגט אפן
רבי ס'איז שוין ליידער נישט דא וואס צו האפן

דעם צדיק'ס מחשבות איז פארזינקען
ער זעהט ווי דער איד גייט זיך שוין דערטרינקען
אויף א ישועה ער בעט זיך און ער ווארט
און די שערי שמים איז פארשפארט

זאגט דער צדיק ווען דו גייסט אראפ אין די טיפעניש
וועסטו זעהן דארט גאר א גרויסער פיש
דו פאלסט אריין אין וואסער בעהט איך פון דיר
פאר די לויתן פיש שיק א גריס פון מיר

דעם צדיק'ס ווערטל האט זיך באלד דערקענט
דער עולם האט אזוי געלאכט אין יענע מאמענט
באלד דערנאך טוט דער איד ארויסשווימען
א סוף צו זיין סכנה איז שוין געקומען

זאגט דער רבי צו זיי איך וועל אייך זאגן פשט
דער איד האט שוין נעבעך קיין שום זכות נישט געהאט
האב איך אויף זיין חשבון א ווערטל געמאכט
דער עולם האט אזוי שטארק בשמחה געלאכט

אז א איד בעט זיך אויס מיט א שמייכל
קען ער אריינגיין אין גרעסטן היכל
אפילו ס'איז שוין נישט דא קיין שום לימוד זכות
די שערי שמחה אייביג אפן איז

אז א איד בעט זיך אויס ביים שוכן מרומים
שתהא שעה זו שעת רחמים
לאמיר זינגען צום באשעפער נודה לשמך
יודן נאר בשמחה

מיר יודן זענען דא היינט אין גלות
מיר שרייען און בעטן מיט יללות
די שונאים זאלן האבן זייערע מפלות
בוי שוין אויף דעם סוכת דוד הנופלת

שוין באלד צוויי טויזענט יאר עס איז שוין גענוג
מיר בעטן דיר טאטע! קער זיך שוין צוריק
משיח צדקינו פאר דיינע קינדער שיקן
מיט דעם בית המקדש אונז באגליקן

אז א איד בעט זיך אויס מיט א שמייכל
קען ער אריינגיין אין גרעסטן היכל
אפילו ס'איז שוין נישט דא קיין שום לימוד זכות
די שערי שמחה אייביג אפן איז

אז א איד בעט זיך אויס ביים שוכן מרומים
שתהא שעה זו שעת רחמים
לאמיר זינגען צום באשעפער נודה לשמך
פועל'ן קען מען נאר בשמחה

מיר בעטן דיר אבינו מלכנו
נקראך ותעננו
עס גיסן זיך פון אידן אזויפיל דמעות
מ'בעט ס'זאל אראפקומען פאר אונז השפעות

יודעלעך גענוג געגאסן טרערן טרויעריג
לאמיר בעסער גיסן טרערן פון שמחה און פון גליק
זינגען צום באשעפער נודה לשמך
מ'קען אזויפיל פועל'ן מיט שמחה

אז א איד בעט זיך אויס מיט א שמייכל
קען ער אריינגיין אין גרעסטן היכל
אפילו ס'איז שוין נישט דא קיין שום לימוד זכות
די שערי שמחה אייביג אפן איז

אז א איד בעט זיך אויס ביים שוכן מרומים
שתהא שעה זו שעת רחמים
לאמיר זינגען צום באשעפער נודה לשמך
יודן נאר בשמחה

מ'וויל ס'זאל אראפקומען פאר אונז השפעות
לאמיר אלע זינגען ברכות והודאות
ברכות והודאות לשמך
יודן נאר בשמחה!