MAMA LIEBT MI

Mama liebt mi, Paps gnau so
Mir drü Brüetsche, fülle s Auto
I dr Öutischt, ha vor nüt Angst
Singe lut mit uf dr Rückbank

Mama liebt mi, i gseh Farbe
S schmöckt nach Pasta, bis i Garte
Wisse Opel, Sand im Schueh
Wind und Wätter hei kei Platz uf mim Badetuech

Aues fäderliecht, brämse cha mi nüt
Närve i dr Schueu, lande vor dr Tür
Mitti 90er, Pokémon
Michael Jordan Tees, Nickelodeon

Mini starter Jagge us de Staate
D Händ im Fahrtwind immer wenn mir fahre
D Bulls hei 6 ringe ade Finger
Und mim Paps gheit sine langsam drab

In Australie vilich zlang no Dusse gsi
Zersch e Ops, denn e Chemotherapie
Aues gäh, absolut Aues gäh
Aber s schint aus längi Aues nid

Mama liebt mi, Paps nümm do
E Pfifton i mim Ohr, ghör ne hüt no

Dass ds aues het kehrt isch erklärt
Hüt e komischi Normalität
Mir si zwäg, s isch lang här
Und klar frogt me sech oft wis äch wär

Was me für Gspräch hätt, öb me ufne andre Wäg wär
Was är vo däm und däm dänkt hätt
Sovüu wos no z mache hätt gäh
Mir 3 Brüetsche wo erwachse wärde

Irgendwenn fohni mit Hip Hop aa
Doch vo de Songs woni uf Papir brocht ha
Wo paar drvo nüt verzöue, paar zvüu vo mir
Si für ihn au nur Stüui gsi
Irgendwo zwüsche Sturzangst und Hiphopstars
Hani lang s Gfüeu gha i chäm tiptop klar
Mache Bebe-Schritt und ha in letschter Zit
Es neus Kapitu offe mir hei e Tochter

Ihri Mama liebt se, Paps gnau so
Chli vor Insle, chli vo aum do
Eifach nüt vo mim Schwärmuet
Lacht hell wine Sunne, wine Stärnfluet

Bebe, Mama liebt di Papa gnau so
Es hells Liecht aus wo mir üs gwünscht hei
Het vor nüt Angst
Singt lut mit uf dr Rückbank