ZIT

I wot aues nur kei Grauton
Schlofe wenig d Auge haub off
Breiti Reife ufdr Hauptstross
Doppu XL nie ufd Schmauspur
Ihne immer scho zlut, läbe unstet bis zum Schluss

Flüge wie Konfetti dürd Luft
Trinke mit Schuss, rede mit Sauz
Pepp i mim Step, knapp nid im Out
Mängisch füeuht sech Gheie chli wie Flüge a

D Wohrheit säge füeht sech chli wie Lüge a
Bio Cola schmöckt e chli nach Kokain
Dr Bode rütscht wi fürnes Bobfahrteam
Doch mir hei üs, bebe mir hei üs

Das isch wasmer wüsse auses
Süsch isch nume Glück
I stürze dür d Nächt so wine Meteor
Und schütt mis Härz us via Stereo

I ha nume die Zit, i ha nume die Zit
I gloub i sueche immer z'wit, weisch
Immer z'wit, weisch, immer z'wit
I ha nume die Zit
Nume es paar Stund mit dir
Nur Stund mit dir, nur Stund mit dir
I ha nume die Zit

Und sie längt nur so haub
Gägewind woni hilauf
Aus vergheit im Chaos hetme s Gfüeu
Zwüsche Bänk und Stüeu

Mir sueche ds andre Glück
Das wo zwüsche Zile findsch
Haublegali Abentüür, mache bis e Schibe bricht
Ständig ade Telefon, stunte ufem Jumbotron
I de Härz chli Wirbuwind, i de chöpf ir Ambulanz

I pack mi Spirit ine Daunejagge
Wüu ihres Gwüsse treit e Augebinde
I cha nie gnue Turnschueh chaufe
Für aues woni zum Drvolaufe finde

Zu zu lang scho im Clinch
Im Glück chli Unglück, im Glas chli Unsinn
Ir Hood chli zu Pop, im Mainstream zu weird
Aber für mi machi greatest Hits

I ha nume die Zit, i ha nume die Zit
I gloub i sueche immer z'wit, weisch
Immer z'wit, weisch, immer z'wit
I ha nume die Zit
Nume es paar Stund mit dir
Nur Stund mit dir, nur Stund mit dir
I ha nume die Zit