Bahhar

بيجي الليل توكلنا الافكار
بيجي النهار يطفي النار
بالدنيا هاي انا بحار
والبحر امواجه عالي
بدور وين ارسي ما لاقيت
مين كان سندك وقت ما بكيت
مين حس فيك؟
انت الي حسيت فيهم وولا حدا دواني

قصو جناح الطير الحالم
عودوك تقتل الحلم وتمشي طريق خايف واهم

طب وين اروح
وين اروح
مش فاهم
بحكولك هيك القدر
هيك مكتوب ولازم تآمن

بتختارولنا الطريق
بتختارولنا الحياة
بقولولك هاد القدر فش شو تساوي يخال
صاحبي لك بطل في صحاب بهالزمان
ف انا نفسي
وذاتي
وحالي
بديش حدا كمان

اذا هاي طريقي انا هارب
اذا هاي حربي انا حارب
بأيدي بوصلة
بس مش عم بتأشر على ولا مكان

بيجي الليل توكلنا الافكار
بيجي النهار يطفي النار
بالدنيا هاي انا بحار
والبحر امواجه عالي
بدور وين ارسي ما لاقيت
مين كان سندك وقت ما بكيت
مين حس فيك ؟
انت الي حسيت فيهم وولا حدا دواني

شياطين على هيئة افكار
افكار بتخليك تفوت عالنار
اذا هاي مش افكاري
شو ذنبي شو اعمل لما مش انا الي بختار

فبشكي همي للموسيقى
اسمع الحاني كنصيحة
كلماتي تجرح صريحة
قصتي احكي
بعزف
معاي بتحكي الاوتار

يا ليل يا ليل
شفت فيك كابوس
وانا الطير الّي قصو جناحه

ارفض المثول
انا ارفض السقوط
انا اكسر القفص
سأحلق كالنسور
غل في قلب الصدور
لك زهقت اكون صبور
سأثور
مهما تضيق الدنيا فينا وتدور
راجع عالطريق اجيب حلمي
فيكو اترك بصمة وكلمة
مهما السهم فينا يرمي
تراني اموت قبل لتشوفني اخون

بيجي الليل توكلنا الافكار
بيجي النهار يطفي النار
بالدنيا هاي انا بحار
والبحر امواجه عالي
بدور وين ارسي ما لاقيت
مين كان سندك وقت ما بكيت
مين حس فيك ؟
انت الي حسيت فيهم وولا حدا دواني