Текст песни Serenatella sciuè sciuè' - Maria Nazionale

Ha ditto 'o core mio: "Fa' 'o tentativo
A mezanotte va' sott' 'o balcone
Chella ll'ha fatto sulo pe' currivo
E se fa 'ntennerì cu na canzone"
E i' só' turnato ccà
E i' só' turnato ccà
Cu 'sta chitarra mia pe' t' 'a cantà
Ma 'sta serenatella
Ca i' porto a te
È na serenatella
Sciué sciué
Pecché, si nun mme siente
Io resto indifferente
'A mille vocche ardente
Mme voglio fá vasà
Perciò 'sta canzuncella
Ca i' porto a te
È na serenatella
Sciué sciué
Tu nun mm'hê dato pace nu mumento
E mme ll'hê fatta perdere 'a pacienza
Si mo', cantanno, metto 'o sentimento
'O ffaccio cchiù pe' scrupolo 'e cuscienza
'O core ha ditto: "Va'"
'O core ha ditto: "Va'"
E nun mme só' pututo rifiutà
Ma 'sta serenatella
Ca i' porto a te
È na serenatella
Sciué sciué
Pecché, si nun mme siente
Io resto indifferente
'A mille vocche ardente
Mme voglio fá vasà
Perciò 'sta canzuncella
Ca i' canto a te
È na serenatella
Sciué sciué
È na serenatella
Sciué sciué