Текст песни O Rammariello - Maria Nazionale

"Véngo cuperte 'e raso
P' 'o lietto 'e sposa
Pavate a tanto 'o mese
Facite spese"
Jéva vennenno casa pe' casa
'O sapevano 'a guagliunciello
'O chiammavano 'o rammariello
E deva 'a voce: "Chi vò' fà spese?"
E accattavano 'e ffigliulelle
Ca s'avevan' 'a mmaretà
"Véngo cuperte 'e raso
P' 'o lietto 'e sposa
Pavate a tanto 'o mese
Facite spese"
Deva 'a voce stu rammariello
Ca penzava sulo a cantà
Era ancora giuvinuttiello
Chella fine nun ll'êv' 'a fà
E capitaje 'ncopp'a na casa
Llà ce steva na figliulella
Ch'era 'o sole tant'era bella
Isso dicette: "Si vuó' fà spese
Ccà sta 'o core d' 'o rammariello
Teccatillo, t' 'o puó' piglià"
Tengo 'a cuperta 'e raso
P' 'o lietto 'e sposa
Mme piglio a tanto 'o mese
Na bella casa"
Dint' 'o core d' 'o rammariello
Già cantava 'a felicità
Già vedeva 'sta nénna bella
Dint' 'a cchiesa, pe' ghì a spusà
Ma va' sapenno, 'sta nénna bella
Ca dint'a ll'uocchie teneva 'o cielo
E teneva na vocca 'e mèle
S'era scurdata 'e nu 'nnammurato
Ca dint' 'o core teneva 'o ffèle
E giurava 'e se vendicà
"Véngo cuperte 'e raso
P' 'o lietto 'e sposa"
S'arretirava â casa
'Mbriaco 'e vase
E cantava stu rammariello
Nun puteva maje 'mmagginà
Ca 'o curtiello d' 'a marennella
Lle serveva pe' se salvà
"Véngo cuperte 'e raso
P' 'o lietto 'e sposa"
Mo cchiù nun ll'hanno 'ntiso
Casa pe' casa
Chistu povero rammariello
Ca penzava sulo a cantá
Mo sta 'nchiuso dint' 'e ccancelle
Chella fine nun ll'êv' 'a fà