Guaglione

Staje sempe ccà, 'mpuntato ccà
'Mmiez'a 'sta via
Nun mange cchiù nun duorme cchiù
Che pecundrìa!

Uè piccerì che vène a dì
'Sta gelusia?
Tu vuò suffrì
Tu vuò murì
Chi t"o ffà fà

Curre 'mbraccio addu mammà
Nun fà 'o scemo piccerì
Dille tutt"a verità
Ca mammà te po' capì

E passe e spasse sott'a stu balcone
Ma tu sì guaglione
Tu nun canusce 'e ffemmene
Sì ancora accussì giovane!

Tu si guaglione!
Che t'hê miso 'ncapa?
Và a ghiucà 'o pallone
Che vònno dì sti llacreme?
Vattè, nun mme fà ridere!

Curre 'mbraccio addu mammà
Nun fà 'o scemo piccerì
Dille tutta 'a verità
Ca mammà te po' capì!

Nun 'e ppittà, nun 'alliscià sti mostaccielli
Nun cerca a te, nun so pe te chill'uocchie belle
Nun 'a penzà, và a pazzià
Cu 'e guagliuncièlle
Nun t'avvelì
C'è tiempo oje ni
Pe' te 'nguajà!

Chi desidere 'a vasà
Scordatèlla, piccerì
Ca si 'o ddiceno a papà
Chisà comme va a fernì

E passe e spasse sott'a stu balcone
Ma tu sì guaglione
Tu nun canusce 'e ffemmene
Sì ancora accussì giovane!

Tu si guaglione!
Che t'hê miso 'ncapa?
Và a ghiucà 'o pallone
Che vònno dì sti llacreme?
Vattè, nun mme fà ridere!

Chi desidere 'a vasà
Scordatèlla, piccerì
Ca si 'o ddiceno a papà
Chisà comme va a fernì

Chi desidere 'a vasà
Scordatèlla, piccerì
Ca si 'o ddiceno a papà
Chisà comme va a fernì
Scordatèlla, piccerì