Текст песни Ayen ayen - Matoub Lounes

Fell-i mi d-rsent wallen-im
Tseţţuyeđ dg-i ccħani
Asm' akken lliɣ s idis-im
Ay fehmeɣ g°rant-iyi
I yixef-iw qđiɣ-d aħkim

Γr ɣur-em yeddeffin-iyi
Đħiɣ-d ger tizzya-w d abhim
Ulac ŗŗay d ahwawi
Ayen, ayen

S snesla-m teqneđ-iyi
Γer tesraft id-iyi tegređ
Tekseđ itij ɣer tmuɣli
D times-is ay d tessawđeđ
Qedħeɣ adif iw yefsi

D timeqwa id-iyi tjebdeđ
Yegra-d yiɣes d aħerfi
Kemmel-as aken ad tertiħeđ

Ayen, ayen

Ţnadiɣ tatut di lkas
Smeckukleɣ lecɣal-iw
Felli m'ig εedda ussegwas
Tamaεeɣ deg wayeđ zheŗ-iw
Ħedŗeɣ m'akken ddant tullas
Limer irad d tizya n yessi
I iman-iw ħuddeɣ tillas
Ar tagust yebweđ rebg-iw
Ayen, ayen

Xas aka tesεetbeđ iyi
Qebleɣ-kem am jenjer I tit
Uli-iw dayen ur d yeţmenni
Sellaw am yixef n tcettit
Am ufexxar teqdeđ-iyi
Uzzaɣ teclabeđ tqettit
Ulac tin ur yezgil yizŗi
Tazmart-iw tegla s texrit
Ayen, ayen

Ma yif-ik gma-k leɣŗus
Kker s afras d ţelqim
Ma yik-ik gma-k lebŗuj
Bnu s lyajuŗ uŗqim
Ma yik-ik gma-k mettu
Ay aħbib xdem neɣ qim
Smaħ ma izleg usefru
Cerwaɣt-id si zman aqdim
Ayen, ayen