Текст песни De Bruma E Salitre - Mileth

Invoco no lume o nome dos raios,
Tronantes tempestarios, atalaia dos Egovarros,
Oh, Namarinos! Guerreiros na cinza esquecidos.

Brúo no aire ó demo alado,
Noitebra que cala o canto dos Egovarros,
Oh, Namarinos! Guerreiros na nebra esquecidos.

Onde a terra mata ó mar,
Onde a néboa come ó sol,
Face de verde orballar
Neste chao de pedra mol.
Moleira de prata e ouro,
Alma orfa de irmao,
De bruma e salitre é o nome
Dos antergos mariñaos.

Laio na terra ó corpo dourado,
Mámoas que gardan o noso pasado!
Oh! Egovarros Namarinos! Guerreiros no ouro esquecidos!

Onde a terra mata ó mar,
Onde a néboa come ó sol,
Face de verde orballar
Neste chao de pedra mol.
Moleira de prata e ouro,
Alma orfa de irmao,
De bruma e salitre é o nome
Dos antergos mariñaos.

Raíces de prata, augas de ouro,
Dende a Atalaia ó Valadouro.
Do Valadouro á Atalaia
Foxe o corzo, chega a aguia.

Corpo de hedra, halo de soutos
Dende a Ferida ó lar dos Mouros.
Do lar dos Mouros ate a Ferida
Laurus de lume, landras de cinsa.
Arengas á bruma, gaitas de guerra,
Hostes de Roma, muxen a terra.
Dos Castrillóns ata Fazouro,
Nebra de prata, serpe d′ouro

Vento do Nordés que brúas no ar,
Lévame o fillo alén deste mar
Alén deste mar, alén do solpor
Acolle o seu nome aló do Borrón.
Aló do Borrón, alén deste mar,
Segredo dos mouros do rei Breogán.
Aló do Borrón, alén do Xistral
Destérrote sol, invoco á nebra.

Canto nas augas ás mouras das cornas:
De salitre e bruma é o fado dos Egovarros!
Oh, Namarinos! Egovarros Namarinos!

Onde a terra mata ó mar,
Onde a néboa come ó sol,
Por sempre libres, mais sós.
Face de verde orballar,
Neste chao de pedra mol,
Canta a bruma do solpor.

Onde a terra mata ó mar,
Onde a néboa come ó sol,
Face de verde orballar
Neste chao de pedra mol.
Moleira de prata e ouro,
Alma orfa de irmao,
De bruma e salitre é o nome
Dos antigos mariñaos.