Текст песни حكايتي معاه - Mohammed Assaf

حكايتي معاه
حكاية نيل وليل سهران على الكورنيش
وأكلة فول على العربية برغيف عيش
وسهرة ف شبرا والقلعة وحواريها
حكايتي معاه
حكاية قعدة ع القهوة وحبة شاي
جدع و ف وقت ما بتحتاجله تلاقيه جاي
و ع المصري فيه ألف حكاية أحكيها
تمللي قريب، ووقت الشدة مش بتغيب
وكلمة مصري دي مليانة بمعاني
وذوق وأصيل، و ع المغنى الجميل بتميل
وعمرك يوم ما كنت بخيل ولا أناني
وكل اللي شرب م النيل رجع تاني
يا بختك بيك
وبالطيبة وبالحب اللي جوه عينيك
وبالناس اللي بيعيشوا هنا حواليك
في كل مكان هنا فيه قصة وحكاية
فيه غيرك كان
بيتمنى يعيش في الجنة دي على طول
فيه غيرك عاش سنين يتمنى انه يقول
أنا مصري ومصر دي عايشة جوايا
تمللي قريب، ووقت الشدة مش بتغيب
وكلمة مصري دي مليانة بمعاني
وذوق وأصيل، و ع المغنى الجميل بتميل
وعمرك يوم ما كنت بخيل ولا أناني
وكل اللي شرب م النيل رجع تاني