Текст песни Embarcatz! - Moussu T E Lei Jovents

Zou va li patron, fa nos de plaça,
Siam partits, avèm cramat l'ostau,
Enfumat lei pebrons, leis estraças,
L'avenir bolega son fanau.
Va li! Volèm auvir la machina,
Lo balèti brusent dei pistons
E lèu que s'escafe la riba,
Marcha fòrt! Que siam pus de nistons.

Dins la granda mescladura dau monde
Menarem la nòstra sau.
Ara li siam que la musica sòne,
Laissatz navegar la nau!
Dins la granda cançon de la planeta
Volèm portar d'estrambòrd,
Coma tiranha que jamai s'arresta
Vesitarem toei lei pòrts.

S'es verai que siam fius de Focèia,
Navegar nos fa cantar lo sang;
S'es verai que la deessa velha,
Aurà fach pache ambé l'ocean.
Darrier, leis embocants de la vida!
Que comence la bòna sason!
S'es verai que l'a de meravilhas
Bessai que la cigala a reson.

Embarcatz bravei gents de la vila!
Ren autre que la vòlha a cargar;
A la balha lei cauvas inutilas!
Ren autre que l'esper a gardar.
Embarcatz! Que lo passat s'escranca,
L'avèm tant banhat de nòstrei plors;
Embarcatz! Que lo present s'arranca
Per si trobar de novelei flors.