Текст песни At Tuwani - MzumO

D Welt staht ez in Flamme aber Züri nöd am brenne
Kevin, Max, Lena, David Dubach ihri Näme
Mine isch au Moritz und ich bi nöd wüki besser
Zuekunft ide Händ doch Gedanke na vo gester
Sit de Reconquista macht Europa d'Welt platt
Hend es eifachs Lebe scho immer alli Recht gha
Wenn Ehrlichkeit entwaffnet, wieso gits na Chrieg?
Schlimmstefalls verblendet, bestefalls verwirrt
Sitze in at-Tuwani, das isch ide West Bank
Homie isch vo da, doch wird behandlet wiener trespassed
Uf em Hügel hets e Siedlig sit de 80er
Soldate sind ez da zum die Siedler det bewache
Nebedra en Usseposte sit 2001
Die griffed ah mit Stei, mengisch au mit Blei
Eine vo at-Tuwani het drüber en Film gmacht
D'Medie sind empört, aber das nöd weg em Inhalt
Sin name Bassel, fast scho wie d'Stadt
Aber sini Lebengschicht het in Europa kei Platz
Währenddesse lömmer eus la triibe ide Limmat
Gwüsse sind rein, Blick in Spiegel muss stimme
Am Abig denn e Maske zum es makelloses Gsicht ha
Am beste chömmer uf de falsche Siite vode Gschicht stah
D'Moderne staht uf Alpe vo Liche
Euse Modus Operandus isch nu Gwalt und Vertriibe
Vo obe luegemer abe uf die unde
Menscherecht und Ricola - wer hets erfunde?
Ich luege Fiddler on the Roof und es isch immer na s'gliich
Die allerschlimmste Dudes sind westlich und wiiss
Das heisst ich au, ich han e ken Schlüdersitz iibaut
Au wenni nume wegrenn und denn anderswo iitauch
Asozialisiert mit Überlegeheitsgfühl
Die andre hend kei Ufklärig und drum lebeds im Für
Het min Dad immer gseit und ich hans au mal glaubt
Doch das isch nur en Rechtfertigung für Töte und Raub
Solidarisch chasch nur sii wend würklich all demit meinsch
Nöd nur die mit dene Hutfarb oder Kontinent teilsch